న్యూఢిల్లీ: నేషనల్ ఓటర్స్ డే సందర్భంగా ప్రధాని మోదీ గురువారం యువ ఓటర్ల తో ముచ్చటించనున్నారు. ఈ మేరకు బీజే వైఎం నేషనల్ ప్రెసిడెంట్ తేజస్వీ సూర్య మీడియాకు వివరాలు వెల్లడించారు. బీజేవైఎం ఆధ్వర్యంలో దేశవ్యాప్తం గా 5 వేల ప్రాంతాల్లో నిర్వహిస్తున్న ప్రత్యేక కార్యక్రమంలో యువ ఓటర్లతో ప్రధాని వర్చువల్గా మాట్లాడతారని చెప్పారు.
2014, 2019 ఎన్నికల్లో మోదీ ప్రధానిగా ఎన్నికవడంలో యువ ఓటర్లు కీలక పాత్ర పోషించారని తెలిపారు. మోదీని మూడోసారి ప్రధానిగా ఎన్నుకోవడానికి వారు ఉత్సాహంగా ఉన్నారని వివరించారు. మోదీ ప్రభుత్వంలో యువకులకు విస్తారమైన అవకాశాలు ఉన్నాయని పేర్కొన్నారు.
