ప్రభాస్ హీరోగా నటించిన సూపర్ యాక్షన్ ఫిలిం ‘సాహో’లోని ప్రేమ పాట విడుదలైంది. లవ్ ఆంథెమ్ ను ఎక్స్ పీరియన్స్ చేయండి అంటూ మూవీ టీమ్ ఈ వీడియో సోషల్ ప్లాట్ ఫామ్స్ లో రిలీజ్ చేసింది.
పంజాబీ పాప్ సింగర్, బాలీవుడ్ మ్యూజిక్ కంపోజర్ గురు రాంధావా ఈ పాటకు సంగీతం అందించాడు. హరిచరణ్ ఎస్, తుల్సీ కుమార్ ఈ పాటను పాడారు. రైటర్ కృష్ణకాంత్ ఈ పాటను రాశారు. హిందీలో ఈ పాటను గురు రాంధావా పాడాడు.
ఆస్ట్రియాలోని ఎత్తైన కొండలు, లోయలు.. లొకేషన్లలో ఈ పాటను చిత్రీకరించారు. పాట చిత్రీకరణ అద్భుతంగా ఉందంటున్నారు ప్రభాస్ అభిమానులు.
ఆగస్ట్ 30న సాహో విడుదల కానుండటంతో… ఈ నెలలో మూవీ ట్రైలర్, సాంగ్స్ రిలీజ్, ప్రి రిలీజ్ ఈవెంట్ లు ఉంటాయని.. ఈ నెలంతా పండగే అని అభిమానులు సంబరపడిపోతున్నారు.
హిందీ, తెలుగు, తమిళ, మలయాళ భాషల్లో సాహో విడుదల కానుంది. మూవీకి సుజీత్ దర్శకుడు. యూవీ క్రియేషన్స్ సంస్థ నిర్మించింది.
