పెద్దపల్లి, వెలుగు: పెద్దపల్లి జిల్లా కేంద్రంలో గర్ల్స్జూనియర్కాలేజీ స్టూడెంట్ల నుంచి మంత్రి కొప్పుల ఈశ్వర్కు నిరసన సెగ తగిలింది. ఆరేండ్ల కింద శిథిలమైన కాలేజీ భవనం స్థానంలో కొత్తది కడ్తారని భావిస్తుండగా, అదే స్థలంలో పబ్లిక్ లైబ్రరీ నిర్మాణానికి శంకుస్థాపన కోసం గురువారం మంత్రి వచ్చారు. ఈ విషయం తెలుసుకున్న స్టూడెంట్లు, విద్యార్థి సంఘాల నేతలు మంత్రిని అడ్డుకునేందుకు కాలేజీ క్యాంపస్లో గుమిగూడారు. ‘మినిస్టర్గోబ్యాక్’ అంటూ నినాదాలు చేశారు. దీంతో పోలీసులు విద్యార్థి సంఘాల నాయకులతో పాటు స్టూడెంట్లను చెదరగొట్టారు.
పలువురిని అదుపులోకి తీసుకొని వదిలేశారు. కాలేజీ క్యాంపస్ ను పూర్తిగా తమ కంట్రోల్లోకి తెచ్చుకున్న తర్వాత మంత్రి కొప్పులకు సమాచారం ఇవ్వడంతో ఆయన వచ్చి జిల్లా లైబ్రరీ నిర్మాణానికి శంకుస్థాపన చేసి వెళ్లిపోయారు. ఈ సందర్భంగా పలువురు విద్యార్థులు, సంఘాల నాయకులు మాట్లాడారు. ‘‘ఆరేండ్ల కింద బాలికల కాలేజీ భవనం శిథిలమైంది. కొత్త భవనం నిర్మాణానికి ప్రపోజల్స్ పంపినా మంజూరు కాలేదు. రెండేండ్లుగా గర్ల్స్కాలేజీని పూర్తిగా మూసివేసి, బాయ్స్కాలేజీ ల్యాబుల్లో కాలేజీ నడుపుతున్నారు. కొత్త బిల్డింగ్ నిర్మాణం చేయాల్సి ఉండగా, అదే ప్లేస్లో లైబ్రరీకి శంకుస్థాపన చేయడం ఏమిటి?” అని ప్రశ్నించారు. తాము ఎట్టి పరిస్థితుల్లో లైబ్రరీ కట్టనియ్యమని హెచ్చరించారు.
జగిత్యాల జిల్లా పెగడపల్లి మండలం నంచర్ల గ్రామంలో మంత్రి కొప్పుల ఈశ్వర్ను బుధవారం రాత్రి నిరసన సెగ తగిలింది. బుధవారం అంబేద్కర్ విగ్రహాన్ని ప్రారంభించిన తర్వాత మంత్రి మాట్లాడుతుండగా గ్రామానికి చెందిన యువకుడు కొత్తపెల్లి నరేశ్ లేచి తనను మాట్లాడే అవకాశం ఇవ్వాలని కోరాడు. దీంతో మంత్రి ఈశ్వర్ మాట్లాడడం ఆపేసి అతడికి మైక్ ఇప్పించాడు. దీంతో నరేశ్ మాట్లాడుతూ బీఆర్ఎస్ పార్టీ దళితుల పార్టీ అయితే ఎంత మంది దళితులకు దళిత బంధు ఇచ్చిందో చెప్పాలని ప్రశ్నించాడు.
ఎంతమంది దళితులకు డబుల్ బెడ్ రూమ్ ఇండ్లు వచ్చాయో చెప్పాలని కోరాడు. అలాగే మాట్లాడుతుండడంతో అక్కడికి పరిగెత్తుకొచ్చిన టీఆర్ఎస్ లీడర్లు మైక్ లాక్కున్నారు.
