దేశమంతా దురాశ వ్యాపించింది..నోయిడాలో సాఫ్ట్ వేర్ మృతిపై రాహుల్ ట్వీట్

• ప్రజలు జవాబుదారీ తనాన్ని డిమాండ్  చేయాలి
• నోయిడాలో సాఫ్ట్ వేర్ ఇంజనీర్ మృతిపై కాంగ్రెస్ అగ్రనేత ట్వీట్

న్యూఢిల్లీ: దేశమంతా దురాశ వ్యాపించిందని కాంగ్రెస్ అగ్రనేత రాహుల్ గాంధీ అన్నారు. అస్తవ్యస్తమవుతున్న పట్టణాలు దాని భయానక రూపమని తెలిపారు. ప్రభుత్వం నుంచి జవాబుదారీతనాన్ని డిమాండ్ చేయాలని ప్రజలను ఆయన కోరారు. ఈ మేరకు బుధవారం ‘ఎక్స్’ లో రాహుల్ గాంధీ ఓ పోస్ట్ పెట్టారు. ఢిల్లీలోని ముబారక్ పూర్ దాబాస్ లో శర్మ ఎన్ క్లేవ్ లో మురుగునీరు పొంగిపొర్లిన ప్రాంతం నుంచి ఓ జర్నలిస్టు రిపోర్టు చేస్తున్న వీడియోను తన ట్వీట్ కు ఆయన జోడించారు.

 ‘‘ఇయ్యాల ప్రతి భారతీయుడి జీవితం ఈ విధంగానే నరకప్రాయంగా మారిపోయింది. అధికారంలో ఉన్నవారికి సిస్టమ్ అమ్ముడుపోయింది. ఒకరి భుజం మరొకరు తట్టుకుంటారు. ఆ తర్వాత అందరూ కలిసి ప్రజలను అణచివేస్తారు. దేశంలో దురాశ వ్యాపించింది. అస్తవ్యస్తమవుతున్న పట్టణాలు దాని భయానక రూపం. మనం వాటిని మౌనంగా, ఉదాసీనంగా ఆహ్వానించాం కాబట్టే మన సమాజం చనిపోతున్నది. 

ప్రజలు జవాబుదారీతనాన్ని డిమాండ్ చేయాలి. లేనిపక్షంలో ప్రతి భారతీయుడి జీవితం ఈ విధంగానే నరకప్రాయంగా మారుతుంది” అని పేర్కొన్నారు. నోయిడాలో యువరాజ్‌‌‌‌ మెహతా (27) అనే సాఫ్ట్‌‌‌‌వేర్‌‌‌‌ ఇంజినీర్‌‌‌‌ గా ఇటీవల మరణించారు. భవన నిర్మాణం కోసం తవ్విన నీటి గుంతలో ఆయన కారు పడిపోవడంతో ప్రాణాలు కోల్పోయారు. ఈ నేపథ్యంలో ప్రభుత్వ జవాబుదారీతనాన్ని ప్రశ్నిస్తూ రాహుల్ గాంధీ ట్వీట్ చేశారు.

హర్యానాకు రాహుల్ గాంధీ.. డీసీసీ చీఫ్​లను ఉద్దేశించి ప్రసంగం

హర్యానా, ఉత్తరాఖండ్ లకు చెందిన కాంగ్రెస్ డిస్ట్రిక్ యూనిట్స్ ప్రెసిడెంట్స్ ట్రైనింగ్ క్యాంప్ ను ఉద్దేశించి కాంగ్రెస్ మాజీ చీఫ్ రాహుల్ గాంధీ ప్రసంగించనున్నారు. ఈ ట్రైనింగ్ క్యాంప్ కురుక్షేత్రలో జరుగుతున్నది. ఈ క్రమంలోనే  బధవారం హర్యానాలోని అంబాలా ఎయిర్ పోర్టుకు చేరుకున్నారు. ఈ సందర్భంగా రాహుల్ గాంధీకి పార్టీ సీనియర్ నేతలు భూపిందర్ సింగ్ హుడా, కుమారి సెల్జా, రణ్​ దీప్ సుర్జేవాలా, హర్యానా కాంగ్రెస్ చీఫ్ రావు నరేందర్ సింగ్, బీకే  హరిప్రసాద్ తదితరులు ఘన స్వాగతం పలికారు.