అడిలైడ్ వేదికగా గురువారం (అక్టోబర్ 23) ఆస్ట్రేలియాతో జరుగుతున్న రెండో వన్డేలో టీమిండియా ఓపెనర్ రోహిత్ శర్మ చరిత్ర సృష్టించాడు. ఆస్ట్రేలియా గడ్డపై వన్డే క్రికెట్ లో 1000 పరుగులు పూర్తి చేసుకున్న తొలి ఇండియన్ బ్యాటర్ గా రికార్డ్ తన ఖాతాలో వేసుకున్నాడు. ఇన్నింగ్స్ మూడో ఓవర్ లో స్టార్క్ బౌలింగ్ లో బౌండరీ బాదిన హిట్ మ్యాన్ ఈ ఘనతను అందుకున్నాడు. ప్రస్తుతం జరుగుతున్న మ్యాచ్ లో రోహిత్ బ్యాటింగ్ లో తడబడుతున్నాడు. 40 బంతుల్లో 14 పరుగులు వద్ద బ్యాటింగ్ చేస్తున్నాడు.
ఈ మ్యాచ్ విషయానికి వస్తే తొలి వన్డే మాదిరి రెండో వన్డేలో కూడా టీమిండియాకు ఘోరమైన ఆరంభం లభించింది. 17 పరుగులకే రెండు వికెట్లు కోల్పోయి కష్టాల్లో పడింది. కెప్టెన్ శుభమాన్ గిల్ 9 పరుగులే చేసి విఫలం కాగా.. కోహ్లీ డకౌటయ్యాడు. ఈ రెండు వికెట్లు ఇన్నింగ్స్ ఏడో ఓవర్లో బార్ట్ లెట్ తీసుకున్నాడు. ప్రస్తుతం ఇండియా తొలి 10 ఓవర్లు ముగిసేసరికి 2 వికెట్ల నష్టానికి 29 పరుగులు చేసింది. క్రీజ్ లో రోహిత్ శర్మ (19), శ్రేయాస్ అయ్యర్ (0) ఉన్నారు. ఆస్ట్రేలియా బౌలర్లలో బార్ట్ లెట్ రెండు వికెట్లు తీసుకున్నాడు.
అడిలైడ్ వేదికగా జరుగుతున్న ఈ వన్డేలో ఆస్ట్రేలియా టాస్ గెలిచి బౌలింగ్ ఎంచుకుంది. ఈ మ్యాచ్ లో ఇండియా ఎలాంటి మార్పులు చేయలేదు. మరోవైపు ఆస్ట్రేలియా మూడు మార్పులతో బరిలోకి దిగింది అలెక్స్ క్యారీ, బార్ట్ లెట్, ఆడమ్ జంపా తుది జట్టులోకి వచ్చారు. ప్రస్తుతం మూడు వన్డే మ్యాచ్ ల సిరీస్ లో ఆస్ట్రేలియా 1-0 ఆధిక్యంలో నిలిచింది.
ఆస్ట్రేలియా (ప్లేయింగ్ XI):
మిచెల్ మార్ష్ (కెప్టెన్), ట్రావిస్ హెడ్, మాథ్యూ షార్ట్, మాట్ రెన్షా, అలెక్స్ కారీ (వికెట్ కీపర్), కూపర్ కొన్నోలీ, మిచెల్ ఓవెన్, జేవియర్ బార్ట్‌లెట్, మిచెల్ స్టార్క్, ఆడమ్ జంపా, జోష్ హాజిల్‌వుడ్
భారత్ (ప్లేయింగ్ XI):
రోహిత్ శర్మ, శుభ్‌మన్ గిల్ (కెప్టెన్), విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్ కీపర్), వాషింగ్టన్ సుందర్, నితీష్ కుమార్ రెడ్డి, హర్షిత్ రాణా, అర్ష్‌దీప్ సింగ్, మహ్మద్ సిరాజ్
