- అరుదైన ఆపరేషన్ చేసిన రష్యా డాక్టర్లు
పశువులు, పక్షులకు ఆపరేషన్చేయడం కామన్. కానీ బొద్దింక లాంటి జీవులకు ఆపరేషన్చేయడమంటే పెద్ద సవాల్. రష్యాలోని వెటర్నరీ డాక్టర్లు ఈ అరుదైన ఆపరేషన్ను సక్సెస్ఫుల్గా కంప్లీట్చేశారు. ప్రెగ్నెంట్గా ఉన్న ఒక బొద్దింకకు డెలివరీ సమయంలో ఇబ్బందులు తలెత్తడంతో ఆపరేషన్చేసి గర్భసంచిని తొలగించారు. మరో ఆసక్తికరమైన విషయమేమిటంటే ఈ బొద్దింకను ఓ యజమాని పెంచుకుంటున్నాడు. అది పడుతున్న ఇబ్బందులను గమనించిన ఆయన వెటర్నరీ క్లినిక్కుతీసుకెళ్లాడు. పరిశీలించిన డాక్టర్లు బొద్దింక గర్భసంచి బయటకు వచ్చిందని గుర్తించారు. ఆపరేషన్ చేయకపోతే బతకడం కష్టమవుతుందని నిర్ధారించారు. వెంటనే మూడు మత్తు ఇంజెక్షన్లు ఇచ్చి ఆపరేషన్ స్టార్ట్చేశారు. కాంప్లికేటెడ్అయిన ఈ సర్జరీని సవాల్గా తీసుకొని విజయవంతంగా పూర్తి చేశారు. బొద్దింక శరీరంలోని ఎగ్పౌచ్ను తొలగించి దానికి ప్రాణం పోశారు. డాక్టర్లు ఈ వీడియోను రష్యన్ సోషల్మీడియా ప్లాట్ఫామ్‘‘వీకే’’లో పోస్ట్చేయడంతో వైరల్అయింది. ‘‘ఆపరేషన్విజయవంతమైంది. ఇక బొద్దింక ఆరోగ్యంగా ఉంటుంది” అని పేర్కొన్నారు. ఎగ్ పౌచ్ను తొలగించకపోయింటే ఇన్ఫెక్షన్స్వచ్చి బొద్దింక ప్రాణానికే ప్రమాదం ఉండేదన్నారు. ఈ బొద్దింక ఆర్చిమంద్రిత జాతికి చెందినది. ఇవి సౌత్అమెరికాలోని అడవుల్లో ఉంటాయి. 8 సెంటీమీటర్ల వరకు పెరుగుతాయి.
