కోపెన్ హాగెన్(డెన్మార్క్): కరోనా వ్యాప్తిని అడ్డుకోవడానికి విధించిన ఆంక్షలను తొలగించడానికి ఇది సరైన టైంకాదని డబ్ల్యూహెచ్ ఓ యూరప్ రీజనల్ డైరెక్టర్ హాన్స్ క్లూగ్ ప్రపంచ దేశాలను హెచ్చరించారు. వైరస్ కాస్త నెమ్మదించిందనే కారణంతో యురోపియన్ దేశాలు కొన్ని ఆంక్షలు ఎత్తివేసే ఆలోచన చేస్తున్నాయన్నారు. ఏప్రిల్ 14 నుంచి షాపులు, పబ్లిక్ పార్కులను తెరుస్తామని ఆస్ట్రేలియా ఇప్పటికే ప్రకటించింది. ఈ క్రమంలో కొన్ని దేశాల్లో వైరస్ కేసులు కొత్తగా నమోదవుతున్న క్రమంలో ఆంక్షలు ఎత్తేసే ఆలోచన సరికాదని క్లూగ్ చెప్పారు. వైరస్ ప్రబలకుండా మరిన్ని చర్యలు తీసుకోవాల్సింది ఇప్పుడేనని, ఇప్పుడున్న ఆంక్షలను రెట్టింపు చేయాలని ఆయన పిలుపునిచ్చారు. ఈమేరకు బుధవారం క్లూగ్ న్యూస్ కాన్ఫరెన్స్లోమాట్లాడారు. వైరస్ను పూర్తిగా పారదోలాలంటే సొసైటీ సపోర్ట్తో ఆంక్షలను మరింతగా పెంచడం తప్ప వేరే ఆల్టర్నేటివ్ లేదన్నారు. ముఖ్యంగా మూడు అంశాల్లో జాగ్రత్తలు తీసుకోవాలంటూ ప్రపంచ దేశాలకు ఆయన సూచించారు.
1) అవసరమైన రక్షణ సామగ్రిని అందించి హెల్త్ సర్వీస్వర్కర్లను కాపాడుకోవడం
2) హెల్త్ సర్వే చేసి ఆరోగ్యవంతులను, అనారోగ్యంతో బాధపడుతున్న వారిని వేరుచేసి కరోనా వ్యాప్తిని స్లో చేయడం
3) ప్రభుత్వం తీసుకుంటున్న చర్యలను ఎప్పటికప్పుడు ప్రజలతో పంచుకోవడం ద్వారా వారిలో అవగాహన పెంచడం
