సీఎం ఇచ్చిన హామీలను అమలు చేయాలి

• కొత్తగూడెం హెడ్ ఆఫీస్​ ఎదుట ధర్నా

భద్రాద్రి కొత్తగూడెం, వెలుగు : సింగరేణి కాలరీస్​ కంపెనీలో పనిచేస్తున్న కాంట్రాక్ట్​ కార్మికులను పర్మినెంట్​ చేస్తామని ఇచ్చిన హామీని సీఎం కేసీఆర్​ విస్మరించారని కార్మిక సంఘాల జేఏసీ స్టేట్​ లీడర్లు ఆరోపించారు. కాంట్రాక్ట్​ కార్మికుల సమస్యలను పరిష్కరించాలని కార్మిక సంఘాల ఆధ్వర్యంలో సింగరేణి వ్యాప్తంగా శుక్రవారం నుంచి కార్మికులు సమ్మెలో దిగారు. కొత్తగూడెంలోని సింగరేణి హెడ్ ఆఫీస్ ​ఎదుట నిర్వహించిన ధర్నాలో జేఏసీ లీడర్లు మాట్లాడుతూ సీఎం ఇచ్చిన హామీలను అమలు చేయాలని, హైపవర్​ కమిటీ వేతనాలను అమలు చేయాలన్నారు. సింగరేణి వ్యాప్తంగా దాదాపు 35 వేల మంది కార్మికులు సమ్మెలో పాల్గొంటున్నారని తెలిపారు.

జేఏసీ రాష్ట్ర, జిల్లా లీడర్లు గుత్తుల సత్యనారాయణ, ఎర్రగాని కృష్ణయ్య, ఇనుమూరి నాగేశ్వరరావు, కె. నాగభూషణం, యాకూబ్​షావళి, పి. సతీశ్, సురేందర్, వీరన్న, నిర్మల పాల్గొన్నారు. సీపీఐ భద్రాద్రి కొత్తగూడెం జిల్లా కార్యదర్శి ఎస్​కె. సాబీర్ ​పాషా, కాంగ్రెస్​ లీడర్లు ఎడవల్లి కృష్ణ, సింగరేణి కాలరీస్ ​వర్కర్స్​ యూనియన్​ వాసిరెడ్డి సీతారామయ్య, ఐఎన్​టీయూసీ లీడర్లు జలీల్​ సంఘీభావం ప్రకటించారు. సింగరేణి కార్మికుల హక్కుల పరిరక్షణ సంఘం ఆధ్వర్యంలో కొత్తగూడెం ఏరియా జీఎం ఆఫీస్, హెడ్ ఆఫీస్​ ఎదుట ధర్నా నిర్వహించారు. ఈ ప్రోగ్రాంలో నాయకులు రాసూరి శంకర్, వెంకటేశ్వర్లు, కరుణాకర్​ పాల్గొన్నారు.