వర్షంలో దేవుడికి గొడుగు పట్టిన బుడ్డొడు!

వర్షంలో దేవుడికి గొడుగు పట్టిన బుడ్డొడు!

న్యూఢిల్లీ: కల్మషం లేని ప్రేమకు కేరాఫ్ ​పసితనం! పిల్లలు దేవుడితో సమానం అని అందుకే అంటారేమో!  దేవుడు కనిపిస్తే ఎవరైనా సరే.. దేవుడా నాకు అదివ్వూ.. నాకు ఇదివ్వూ అంటూ వరాలు కోరుకుంటారు. దేవుడి కోసం ఏదోకటి చేయాలని అనుకునేది కొద్దిమందే ఉంటారు. కానీ ఈ పసివాడు మాత్రం తెలిసీ తెలియని వయసులోనే దేవుడి మీద స్వచ్ఛమైన ప్రేమను చూపిస్తున్నాడు. వర్షంలో పాండురంగ స్వామి తడిచి పోతున్నాడని గొడుగు పట్టాడు. ఈ ఫొటో ఎక్కడిదో ఏమో తెలియదు కానీ కేంద్ర మంత్రి స్మృతీ ఇరానీ తన ఇన్‌స్టాగ్రామ్‌లో పోస్ట్ చేయడంతో నెటిజన్స్ ఫిదా అవుతున్నారు. ‘డివోషనల్’ అన్న క్యాప్షన్‌తో ఈ రోజు (మంగళవారం) ఉదయం ఆమె షేర్‌‌ చేసిన ఈ ఫొటోకు 8 గంటల గ్యాప్‌లోనే దాదాపు 45 వేల మందికి పైగా లైక్ కొట్టారు. స్వచ్ఛమైన ప్రేమకు చిహ్నం, పసిపిల్లల హృదయం స్వచ్ఛమైనది, తొలి ఏకాదశి శుభాకాంక్షలు, జై శ్రీ కృష్ణ, జై జగన్నాథ, జై విఠల అంటూ నెటిజన్లు కామెంట్లు చేశారు.