- పాన్-ఇండియా లెవెల్లో ఉచితంగా సోనూసూద్ ఆక్సిజన్ పంపిణీ
సోనూసూద్. కరోనా కష్టకాలంలో ఈ పేరు భారతదేశంలో కొండంత నమ్మకాన్ని భరోసాని కల్పిస్తోంది. దేశంలో ఏ సినిమా హీరో లేదా సెలబ్రిటీలు చేయలేనంతగా కష్టాల్లో ఉన్న వారిని తక్షణం ఆదుకుంటూ అందరి మన్ననలు పొందుతున్న ఘటనలు తెలిసిందే. గత ఏడాది నుంచి కరోనా లాక్ డౌన్ సమయంలో సోనూసూద్ నిర్విరామ సేవలు మొత్తం ప్రపంచమంతా జేజేలు పలికిందంటే అతిశయోక్తి కాదేమో. చివరకు మంత్రులు, మాజీ ముఖ్యమంత్రులు సైతం చేయలేని పనులు, సహాయలు చేస్తున్న విషయం తెలిసిందే. డబ్బును ఏ మాత్రం లెక్క చేయకుండా తన సొంత ఖర్చులతో ఆపదలో ఉన్న వారి కష్టాలు తొలగించేందుకు తనవంతు ప్రయత్నం చేస్తున్నాడు.
ఇక సెకండ్ వేవ్ లో సోనూసూద్ సహాయల సంఖ్య మరింత ఎక్కువగా మారింది.సహాయం చేయడానికి ఎంత దూరమైనా వెళతాను అని మాట ఇచ్చేశాడు. అన్నట్లుగానే ఆక్సిజన్ ప్లాంట్స్ ను జెట్ స్పీడ్ లో నిర్మించి ఎంతో మందికి ఊపిరి పోస్తున్నాడు. ఇక ఇప్పుడు మరొక కీలకమైన నిర్ణయం తీసుకున్నారు. ఆక్సిజన్ సిలిండర్స్ కోసం దేశమంతా ఆర్తనాధాలు వినిపిస్తుండడంతో ఎవరు ఎంత దూరం నుంచి అడిగినా కూడా ఆక్సిజన్ సిలిండర్ పంపేలా ఏర్పాట్లు చేస్తున్నారు. ఎవరికి అవసరం ఉన్నా కూడా www.umeedbysonusood.com కు లాగిన్ అవ్వాలని కోరారు. ఆక్సిజన్ సిలిండర్స్ డిటిడిసి ద్వారా అవసరమైన వారికి పంపబడుతుందని తెలియజేశారు.
