న్యూఢిల్లీ: లాక్డౌన్ టైమ్‌లో వలస కార్మికులను స్వస్థలాలకు చేర్చడంలో నటుడు సోనూ సూద్ విశేష కృషి చేసిన విషయం తెలిసిందే. లాక్డౌన్ తర్వాత కూడా ఆపదలో ఉన్న వారిని ఆదుకుంటూ సోనూ తన మంచి మనసును చాటుకుంటున్నాడు. ఈ విషయాన్ని పక్కనబెడితే సోనూ కొడుకు ఎషాన్ పుట్టిన రోజు జరుపుకుంటున్నాడు. ఈ సందర్భంగా ఎషాన్‌‌తో తాను దిగిన ఓ పాత ఫొటోను ఇన్‌‌స్టాలో షేర్ చేశాడు. ఈ ఫొటోలో సోనూను ఇమిటేట్ చేస్తూ చిన్నప్పటి ఎషాన్ పోజ్ ఇచ్చాడు. ఈ ఫొటోకు ‘హ్యాపీ బర్త్ డే నా హీరో ఎషాన్ సూద్. మొత్తానికి నాకు ఫిట్నెస్లో పోటీనిచ్చే వారు దొరికారు’ అని క్యాప్షన్ జత చేశాడు. దీంతో పాటు ఎషాన్‌‌తో తాను ఫిట్‌‌నెస్ చేస్తున్న రీసెంట్ ఫొటోలు, వీడియోలను సోనూ పంచుకున్నాడు.
