భైంసా, వెలుగు : ఇటీవల బీఆర్ఎస్ నుంచి కాంగ్రెస్లో చేరి డీసీసీ బాధ్యతలు స్వీకరించిన శ్రీహరిరావుకి ఎన్ఆర్ఐ, సీనియర్ నేత విజయ్కుమార్ రెడ్డి మధ్య లొల్లి జరుగుతోంది. కొద్ది రోజులుగా వీరిద్దరి మధ్య నువ్వా.. నేనా అన్న రీతిలో నడుస్తోంది. శ్రీహరిరావు ఏకపక్ష నిర్ణయాలు తీసుకుంటున్నారంటూ ఎన్ఆర్ఐ విజయ్కుమార్ రెడ్డి ఆగ్రహంతో ఉన్నారు. తాజాగా మంగళవారం భైంసాలో జరిగిన పార్టీ విస్తృత స్థాయి సమావేశానికి ముఖ్య అతిథిగా హాజరైన కర్నాటక ఎమ్మెల్సీ ప్రకాష్రాథోడ్ ముందే ఇద్దరూ వాదులాడుకున్నారు.
ఒకరిపై ఒకరు దుమ్మెత్తి పోసుకుంటూ ఆరోపణలు, ప్రత్యారోపణలు చేసుకున్నారు. బీఆర్ఎస్నుంచి కాంగ్రెస్లో చేరిన శ్రీహరిరావు పార్టీని భ్రష్టు పట్టిస్తున్నారని విజయ్కుమార్రెడ్డి కామెంట్స్ చేశారు. మీటింగ్ఉన్న సంగతి తనకు ఎందుకు చెప్పలేదని ఆగ్రహం వ్యక్తం చేశారు. బీఆర్ఎస్కు కోవర్టుగా వ్యవహరిస్తున్నారని ఆరోపించారు. చివరకు ఎమ్మెల్సీ కలగజేసుకోని విజయ్కుమార్రెడ్డిని శాంతింపజేశారు. శ్రీహరిరావుపై అధిష్టానానికి ఫిర్యాదు చేస్తానని విజయ్కుమార్రెడ్డి పేర్కొన్నారు.
