టీమిండియా చిచ్చర పిడుగు అభిషేక్ శర్మ బ్యాటింగ్ కు దిగ్గజ క్రికెటర్ సునీల్ గవాస్కర్ ఫిదా అయ్యాడు. న్యూజిలాండ్ తో జరిగిన తొలి వన్డేలో అభిషేక్ ఆకాశమే హద్దుగా చెలరేగాడు. నాగ్ పూర్ వేదికగా బుధవారం (జనవరి 21) విదర్భ క్రికెట్ అసోసియేషన్ స్టేడియంలో జరిగిన మ్యాచ్ లో కేవలం 35 బంతుల్లోనే 84 పరుగులు చేసి కివీస్ బౌలర్లకు చుక్కలు చూపించాడు. ఈ టీమిండియా ఓపెనర్ ఇన్నింగ్స్ లో 5 ఫోర్లతో పాటు 8 సిక్సర్లున్నాయి. 27 పరుగులకే రెండు వికెట్లు కోల్పోయినా అభిషేక్ మాత్రం తన దూకుడును తగ్గించుకోలేదు. బౌండరీల వర్షం కురిపిస్తూ స్కోర్ బోర్డును పరుగులు పెట్టించాడు.
అభిషేక్ ఇన్నింగ్స్ తో టీమిండియా అలవోక విజయం సాధించి 5 మ్యాచ్ ల టీ20సిరీస్ లో 1-0 ఆధిక్యంలో నిలిచింది. అభిషేక్ బౌండరీలు బాడుతుంటే కామెంటేటర్ గా చేస్తున్న సునీల్ గవాస్కర్ ఫుల్ గా ఎంజాయ్ చేశాడు. మ్యాచ్ తర్వాత ఈ దిగ్గజ క్రికెటర్ ఇచ్చిన ఒక్క స్టేట్ మెంట్ వైరల్ గా మారుతోంది. నేను ఒకప్పుడు సింగిల్ తీయడానికి తీసుకునే బంతులకు అభిషేక్ శర్మ ఏకంగా హాఫ్ సెంచరీ బాదేస్తున్నాడు. అని అభిషేక్ ను ప్రశంసించాడు. ఈ మ్యాచ్ లో అభిషేక్ కేవలం 22 బంతుల్లోనే హాఫ్ సెంచరీ పూర్తి చేసుకున్నాడు. ఇక టెస్ట్ స్పెషలిస్ట్ గా పేరొంచిన గవాస్కర్ తన కెరీర్ ప్రారంభంలో టెస్ట్ మ్యాచ్ ల్లో తొలి పరుగు కోసం 10 నుంచి 20 బంతులు తీసుకునేవాడు.
అభిషేక్ ఇన్నింగ్స్ తో టీమిండియా ఘన విజయం:
ఈ మ్యాచ్ విషయానికి వస్తే న్యూజిలాండ్ తో జరిగిన తొలి టీ20లో టీమిండియా ఘన విజయం సాధించింది. నాగ్ పూర్ వేదికగా బుధవారం (జనవరి 21) విదర్భ క్రికెట్ అసోసియేషన్ స్టేడియంలో జరిగిన ఈ మ్యాచ్ లో 48 పరుగుల తేడాతో గెలిచి సిరీస్ లో 1-0 ఆధిక్యంలో నిలిచింది. మొదట బ్యాటింగ్ లో అభిషేక్ శర్మ చెలరేగితే.. ఆ తర్వాత బౌలర్లు రాణించి జట్టుకు విజయాన్ని అందించారు. ఈ మ్యాచ్ లో మొదట బ్యాటింగ్ చేసిన ఇండియా నిర్ణీత 20 ఓవర్లలో 7 వికెట్ల నష్టానికి 238 పరుగులు చేసింది. భారీ లక్ష్య ఛేదనలో న్యూజిలాండ్ 20 ఓవర్లలో 7 వికెట్ల నష్టానికి 190 పరుగులు చేసి ఓడిపోయింది. అభిషేక్ శర్మకు ప్లేయర్ ఆఫ్ ది మ్యాచ్ అవార్డు లభించింది.
►ALSO READ | T20 World Cup 2026: స్టబ్స్, రికెల్టన్ బ్యాక్.. వరల్డ్ కప్కు సౌతాఫ్రికా కీలక ప్లేయర్స్ దూరం
అభిషేక్ శర్మ వరల్డ్ రికార్డ్:
ఈ మ్యాచ్ లో 82 పరుగుల వద్ద అభిషేక్ టీ20 క్రికెట్ లో 5000 పరుగులను పూర్తి చేసుకున్నాడు. తద్వారా టీ20 ఫార్మాట్ లో అత్యంత వేగంగా 5000 పరుగుల మార్క్ అందుకున్న ఆటగాడిగా చరిత్ర సృష్టించాడు. అభిషేక్ 2898 బంతుల్లో 5000 పరుగుల మార్కును చేరుకున్నాడు. 2942 బంతుల్లో 5000 పరుగుల మార్క్ అందుకున్న విండీస్ ఆటగాడు ఆండ్రీ రస్సెల్ పేరిట ఉన్న మునుపటి రికార్డును అభిషేక్ బద్దలు కొట్టాడు. టిమ్ డేవిడ్ (3127), విల్ జాక్స్ (3196), గ్లెన్ మాక్స్వెల్ (3239) వరుసగా మూడు, నాలుగు. ఐదు స్థానాల్లో ఉన్నారు.
Sunil Gavaskar on Abhishek Sharma:
— GillTheWill (@GillTheWill77) January 22, 2026
"He gets to his half-century in the number of balls I used to take just to get on the mark." 😭pic.twitter.com/K135zhJIf0
