Vaibhav Sooryavanshi: భారత టీ20 జట్టులో 15 ఏళ్ల యువ సంచలనం వైభవ్ సూర్యవంశీ (Vaibhav Sooryavanshi)ని వరుసగా బెంచ్ మీదనే కుర్చొబెట్టడం ఇప్పుడు తీవ్ర చర్చనీయాంశంగా మారింది. వెస్టిండీస్‌తో ఇటీవల ముగిసిన ఐదు మ్యాచ్‌ల టీ20 సిరీస్‌లో ఒక్క మ్యాచ్‌లోనూ వైభవ్‌కు తుది జట్టు (Playing XI) లో ఆడే అవకాశం దక్కలేదు. ఈ ఏడాది జూలైలో ఇంగ్లాండ్‌పై అంతర్జాతీయ టీ20ల్లోకి అరంగేట్రం చేసిన సూర్యవంశీ, స్వదేశంలో ఇప్పటి వరకు ఒక్క మ్యాచ్ కూడా ఆడలేకపోయాడు. ఐర్లాండ్, అఫ్ఘనిస్థాన్, జపాన్, వెస్టిండీస్ సిరీస్‌లలో అతను బెంచ్ కే పరిమితమయ్యాడు.
ఓపికతో వేచి చూడాల్సిందే: శ్రేయస్
వెస్టిండీస్ సిరీస్ ముగిసిన అనంతరం భారత కెప్టెన్ శ్రేయస్ అయ్యర్ మాట్లాడుతూ.. వైభవ్‌కు నేను ఎప్పుడూ చెబుతుంటాను.. నీకు అవకాశాలు తప్పకుండా వస్తాయి, నీ ప్రాసెస్, మైండ్‌సెట్‌ను సరిగ్గా ఉంచుకుని అవకాశాల గురించి ఎక్కువ ఆలోచించకూడదు.. కొన్నిసార్లు వేచి చూడక తప్పదు.. ప్రస్తుతం జట్టులో ఓపెనర్లుగా ఉన్న ఇద్దరు (అభిషేక్ శర్మ, సంజు శాంసన్) నిలకడగా రాణిస్తున్నారని శ్రేయస్ చెప్పుకొచ్చాడు.
టీమిండియాపై కోచ్ మనీష్ ఓఝా ఫైర్:
సూర్యవంశీకి అవకాశం ఇవ్వకపోవడంపై అతని చిన్ననాటి కోచ్ మనీష్ ఓఝా తీవ్రంగా మండిపడ్డాడు. ఈ చిన్న వయసులో ప్రతి మ్యాచ్ ఆడటం ద్వారానే ఆటగాడు మానసికంగా దృఢంగా మారతాడు, అతని గేమ్‌లో మెరుగులు దిద్దుకుంటాయి. కానీ అతను బయట కూర్చొని వాటర్ సీసాలు అందిస్తున్నాడు.. ప్రస్తుతం ఉన్న మేనేజ్‌మెంట్ నియంతృత్వం(Dictatorship) ప్రదర్శిస్తోందని ఆరోపించాడు.
నెక్ట్స్ టార్గెట్ న్యూజిలాండ్ సిరీస్:
ఏషియన్ గేమ్స్ 2026లో స్వర్ణ పతకం సాధించిన భారత జట్టులో భాగమైన సూర్యవంశీ, త్వరలోనే ప్రారంభం కానున్న న్యూజిలాండ్ T20 సిరీస్ కోసం పయనం కానున్నాడు. ఈ టూర్‌లోనైనా ఈ యంగ్ లెఫ్ట్ హ్యాండర్‌కు తుది జట్టులో అవకాశం దక్కుతుందో లేదో వేచి చూడాల్సి ఉంది.
