పోలియో రహిత సమాజం కోసం అందరూ కృషి చేయాలన్నారు మంత్రి తలసాని.దీని కోసం తల్లిదండ్రులు అందరూ శ్రద్ద చూపాలన్నారు. బంజారాహిల్స్ NBT బస్తీ దవాఖానలో చిన్నారులకు పోలియో చుక్కల కార్యక్రమాన్ని ప్రారంభించారు మంత్రి. ఆయనతో పాటు ఎమ్మెల్యే దానం నాగేందర్ , స్థానిక కార్పొరేటర్ విజయలక్ష్మి పాల్గొన్నారు. ఈ సందర్భంగా మాట్లాడిన తలసాని ..పోలియో చుక్కలు ఎవరూ నిర్లక్ష్యం చేయద్దన్నారు. 5 సంవత్సరాల లోపు పిల్లలందరూ పోలియో చుక్కలు వేయించుకోవాలన్నారు. రేపటి నుండి ఇంటింటికి పోలియో కార్యక్రమాన్ని చేపడుతామన్నారు. కరోనా వ్యాప్తి ఇంకా పూర్తిగా తగ్గలేదని…అందరూ జాగ్రత్తగా ఉండాలన్నారు. కరోనా వాక్సిన్ హైదరాబాద్ నుండి రావడం మనకు గర్వకారణమన్నరారు. వైద్య సిబ్బంది సేవలు అద్భుతమన్నారు.
