హైదరాబాద్, వెలుగు: విజయ పాలు ఇక తెలంగాణ బ్రాండ్గా మార్కెట్లోకి రానున్నాయి. విజయ తెలంగాణ బ్రాండ్ కు కేంద్ర ప్రభుత్వ సంస్థ రిజిస్ట్రార్ ఆఫ్ ట్రేడ్ మార్క్ అనుమతినిచ్చింది. స్వరాష్ట్రం ఏర్పడిన తర్వాత కూడా తెలంగాణ, ఆంధ్రప్రదేశ్లకు ఒకే బ్రాండ్ తో విజయ పాలు, పాల ఉత్పత్తులు మార్కెట్ లోకి వస్తున్నాయి.
దీంతో రాష్ట్ర పాడి పరిశ్రమాభివృద్ధి సంస్థ విజయ తెలంగాణ లోగో ను ప్రత్యేకంగా రూపొందించి ట్రేడ్మార్క్అథారిటీని సంప్రదించింది. ఆ సంస్థ ట్రేడ్ మార్క్ యాక్టు 1999 ప్రకారం ఈ బ్రాండ్ను రిజిస్టర్చేసి సర్టిఫికేట్జారీ చేసింది.