విజయ్‌ దేవరకొండ హీరోగా క్రాంతి మాధవ్ తెరకెక్కిస్తున్న ‘వరల్డ్ ఫేమస్ లవర్’లో నలుగురు హీరోయిన్లు నటిస్తున్న సంగతి తెలిసిందే. ఆల్రెడీ ఐశ్వర్యా రాజేష్‌, ఇజబెల్లె లీట్ ఫస్ట్ లుక్స్ రిలీజయ్యాయి. శనివారం క్యాథరీన్ థ్రెసా లుక్ రిలీజయ్యింది. ఇందులో క్యాథరీన్‌‌కి, సింగరేణి ప్రాంతానికి లింక్‌ ఉంది. ‘బొగ్గు గనిలో నా బంగారం, నా వరల్డ్ ఫేమస్ లవర్. ఈ వేలంటెన్స్‌ డేకి శ్రీనును కలుసుకుందాం’ అంటూ క్యాథరీన్ సోషల్ మీడియాలో పోస్ట్ చేసింది. శ్రీను పాత్రలో ఖాకీ చొక్కా, ప్యాంటు వేసుకుని సింగరేణి కార్మికుడిగా కనిపిస్తున్నాడు విజయ్‌. గర్ల్‌‌ఫ్రెండ్‌ స్మితతో కలిసి సరదాగా నవ్వుతూ తుళ్లుతూ నడుస్తున్నాడు. గత రెండు లుక్స్‌‌కి, ఈ లుక్‌‌కి చాలా డిఫరెన్స్ ఉండటం విశేషం.
