సుదీప్తో సేన్ దర్శకత్వంలో తెరకెక్కిన 'ది ది కేరళ స్టోరీ' రెండో రోజు కూడా బాక్సాఫీస్ వద్ద భారీ వసూళ్లతో దూసుకుపోతోంది. మొదటి రోజు రూ.8.03కోట్లు, రెండో రోజు రూ.11.22కోట్లు వసూలు చేసిన ఈ చిత్రం.. ఇప్పటివరకు దాదాపు రూ.20కోట్లు రాబట్టింది. మొదటిరోజుతో పోలిస్తే.. రెండో రోజు 39.73శాతం వృద్ధిని కనబర్చింది. మే 5న వివిధ కాంట్రవర్సీల నడుమ విడుదలైన ఈ సినిమాకు భారీ రెస్పాన్స్ వస్తోంది. దీనికి సంబంధించిన వివరాలను చిత్ర విశ్లేషకుడు తరణ్ ఆదర్శ్ ట్విట్టర్ లో షేర్ చేశారు. ఈ సినిమా ఇప్పటివరకు రూ.19.25కోట్లు వసూలు చేసినట్టు ఆయన వెల్లడించారు.
'ది కేరళ స్టోరీ'లో అదా శర్మ , యోగితా బిహానీ, సిద్ధి ఇద్నానీ, సోనియా బలానీ ప్రధాన పాత్రల్లో నటించారు. గత కొన్ని రోజుల క్రితం ఈ సినిమాకు సంబంధించిన ట్రైలర్ రిలీజ్ కావడంతో వివాదం తలెత్తింది. మహిళలను మతం మార్చి టెర్రరిజంలోకి మార్పిడి చేయిస్తున్నారని ఈ సినిమాపై పలు ఆరోపణలు వచ్చాయి. ఈ సినిమాపై ఇటీవలే ప్రధాని మోడీ కూడా స్పందించారు. ఉగ్రవాద పరిణామాలను బయటపెట్టిన కేరళ స్టోరీ సినిమాను ప్రతిపక్ష పార్టీ వ్యతిరేకిస్తోందని ఆయన ఆరోపించారు.
https://twitter.com/taran_adarsh/status/1655097482638925824
