హెల్మెట్ పెట్టుకుంటే ఇంకేం అడగమని ట్రాఫిక్ పోలీసోళ్లు చెప్పడంతో జనమంతా హెల్మెట్లు కొనేందుకు ఎగబడుతున్నరు. అయితే హెల్మెట్ కొనేముందు ఒక్కసారి ఇది చదువున్రి..
- మనదేశం మొత్తంమీద 219 కంపెనీలు హెల్మెట్లు తయారుచేసి అమ్ముతున్నయ్. అందులో తొమ్మిది కంపెనీలే ‘బ్యూరో ఆఫ్ ఇండియన్ స్టాండర్డ్స్’ చెప్పినట్లుగా తయారు చేస్తున్నయట. ఆ కంపెనీల హెల్మెట్లు మాత్రమే కొనడం మంచిది.
- ఐఎస్ఐ గుర్తు ఉన్న హెల్మెట్లను కొనాలని పోలీసోళ్లు చెప్తున్నరు. అయితే రోడ్ల పక్కన అమ్మే హెల్మెట్లకు కూడా ఐఎస్ఐ గుర్తు వేస్తున్నరు. నిజానికి . స్టడ్స్, రాంగ్లర్, టీహెచ్హెచ్, రాయల్ ఎన్ ఫీల్డ్, వెగా, స్టీల్ బర్డ్, ఎల్ ఎస్ -2 కంపెనీల హెల్మెట్లకు మాత్రమే ఐఎస్ఐ గుర్తు వేసుకునే అనుమతి ఉంది. ఇవి మాత్రమే కొనుక్కుంటే మంచిది.
- ఒరిజినల్ ఐఎస్ఐ గుర్తు ఉన్న హెల్మెట్ల ధర కొంచెం ఎక్కువనే ఉంటది. కొనాలని డిసైడ్ అయిన తర్వాత అన్నిరకాలుగా మంచిగ ఉన్నది కొంటెనే బెస్ట్. ఎందుకంటే అనుకోకుండా టైం బాగలేక యాక్సిడెంట్ జరిగినా మన తల సేఫ్గా ఉంటది. రోడ్ల పక్కన దొరికే హెల్మెట్లు కేవలం ‘చలానా’ల నుంచి మాత్రమే కాపాడతయ్. ప్రమాదాల నుంచి కాపాడలేవనే విషయం గుర్తుంచుకోవాలి.