హైదరాబాద్: గతేడాది విడుదలై తెలుగు ప్రేక్షకులను అలరించిన ‘ఎఫ్2’ మూవీకి అరుదైన గౌరవం దక్కింది. విక్టరీ వెంకటేశ్, మెగా హీరో వరుణ్ తేజ్ కాంబినేషన్లో తెరకెక్కిన ఎఫ్2: ఫన్ అండ్ ఫ్రస్ట్రేషన్ మూవీకి జాతీయ పురస్కారం లభించింది. 2019కి గాను వివిధ భాషలకు చెందిన 26 సినిమాలకు కేంద్ర సమాచార, ప్రసారశాఖ బుధవారం ఇండియన్ పనోరమ విభాగంలో అవార్డులు ప్రకటించింది. ఇందులో ఫీచర్ ఫిలిమ్ కేటగిరీలో ‘ఎఫ్2’ అవార్డు దక్కించుకుంది. అన్ని కేటగిరీల్లో కలిపి అవార్డు దక్కించుకున్న ఏకైక తెలుగు సినిమాగా ‘ఎఫ్2’ నిలిచింది. అవార్డు లభించడంపై చిత్ర దర్శకుడు అనిల్ రావిపూడి సంతోషం వ్యక్తం చేశారు. వెంకటేశ్, వరుణ్ తేజ్, సినీ యూనిట్తోపాటు దిల్ రాజు, శిరీష్, ఎస్వీసీ టీమ్కు థ్యాంక్స్ చెప్పారు.
#F2 #FunAndFrustration : A journey from box-office blockbuster to national recognition ???@VenkyMama @IAmVarunTej @tamannaahspeaks @Mehreenpirzada @ThisisDSP @SVC_official pic.twitter.com/10zQXWXsI6
— Anil Ravipudi (@AnilRavipudi) October 21, 2020