నిజామాబాద్ జిల్లాలో దారుణం జరిగింది. బోధన్ మండలం ఖండ్ గావ్ గ్రామంలో వీఆర్ఏ గౌతమ్ అనుమానాస్పద స్థితిలో చనిపోయాడు. గౌతమ్ ను కొందరు కొట్టి చంపారని కుటుంబ సభ్యులు ఆరోపించారు. ఇసుకకు సంబంధించిన గొడవలే ఈ హత్యకు కారణమని వారన్నారు. తమకు న్యాయం చేయాలంటూ గౌతమ్ కుటుంబ సభ్యులు బోధన్ పోలీస్ స్టేషన్ ముందు ఆందోళన చేశారు. వారికి మద్ధతుగా స్థానిక వీఆర్ఏలు కూడా ఆందోళనలో పాల్గొన్నారు. జిల్లాలో ఇసుక మాఫియా ఆగడాలు ఎక్కువయ్యాయని వారన్నారు.
