న్యూఢిల్లీ: ఐపీఎల్ మ్యాచ్లను ఉచితంగా వీక్షించిన క్రికెట్ ఫ్యాన్స్కు మరో గుడ్ న్యూస్. ఆసియా కప్, వరల్డ్కప్ మ్యాచ్లను డిస్నీ, హాట్స్టార్లో ఫ్రీగా చూడొచ్చు. ఈ మేరకు ఫ్యాన్స్ తమ మొబైల్స్లో ఎలాంటి సబ్స్క్రిప్షన్ లేకుండా ఈ రెండు మెగా టోర్నీలను వీక్షించొచ్చని డిస్నీ శుక్రవారం వెల్లడించింది. మరింత మందికి క్రికెట్ వినోదాన్ని పంచాలనే ఉద్దేశంతో ఈ నిర్ణయం తీసుకున్నామని తెలిపింది.
ఐపీఎల్ మ్యాచ్లతో జియో సినిమా సూపర్ వ్యూయర్షిప్ సాధించడంతో ఇప్పుడు డిస్నీ కూడా డిజిటల్ ఫ్లాట్ఫామ్ వైపు అడుగులు వేస్తోంది. ప్రస్తుతం ఐసీసీ టోర్నీలకు సంబంధించిన టీవీ రైట్స్ మొత్తం డిస్నీ హాట్స్టార్ చేతుల్లో ఉండటంతో ఫ్రీ లైవ్కు గేట్లు తెరిచింది. అయితే టీవీ, ఇతర వాటిలో చూసే వాటికి మాత్రం ఆయా రేట్లు వర్తించనున్నాయి.