మహారాష్ట్ర డిప్యూటీ సీఎం దేవేంద్ర ఫడ్నవీస్ సతీమణి అమృతా ఫడ్నవీస్ ఫేస్ బుక్ లో వేధింపులకు గురయ్యారు. గుర్తు తెలియని ఓ మహిళ నుంచి అమృతా ఫడ్నవీస్ కు రిక్వెస్ట్ రాగా.. దానిని ఆమె యాక్సెప్ట్ చేశారు. దీంతో అప్పటి నుంచి సదరు మహిళా అనుచిత, అసభ్యకరమైన పోస్ట్ లు పెడుతోంది. దీనిపై విసిగిపోయిన అమృతా ఫడ్నవీస్ పోలీసులకు ఫిర్యాదు చేశారు. ఈ విషయాన్ని చాలా సిరీయస్ గా తీసుకున్న పోలీసులు ఆ మహిళను అరెస్ట్ చేశారు. నిందితురాలు స్మృతి పంచల్ గా గుర్తించి..ఆమెపై వివిధ సెక్షన్ల కింద పోలీసులు ఎఫ్ఐఆర్ నమోదు చేశారు. విచారణలో స్మృతి పంచల్ 53 ఫేస్ బుక్ నకిలీ ఖాతాలను, 13 జీ మెయిల్ ఖాతాలను క్రియేట్ చేసినట్టుగా గుర్తించారు.
