యాదాద్రి, వెలుగు : దీర్ఘకాలికంగా పెండింగ్లో ఉన్న బస్వాపురం నిర్వాసితులకు స్ట్రక్చర్ వ్యాల్యూ పేమెంట్ పంపిణీ చేసేందుకు రంగం సిద్ధమైంది. ఇందుకోసం నిర్వాసితులకు ఫారం-37 నోటీసులు అందిస్తున్నారు. నోటీసులకు రిప్లయ్ఇచ్చిన వాళ్ల అకౌంట్స్లో నేటి నుంచి అమౌంట్జమ కానుంది. కాళేశ్వరం ప్రాజెక్టులో భాగంగా యాదాద్రి జిల్లాలోని పది మండలాల్లో 1.88 లక్షల ఎకరాలకు సాగు నీరందించడానికి బస్వాపురం రిజర్వాయర్ను 16వ ప్యాకేజీగా నిర్మిస్తున్నారు. దీని నిర్మాణం కోసం రూ. 1,610 కోట్లు అంచనా వేయగా, రూ. 1200 కోట్లు ఖర్చు చేశారు. ఈ రిజర్వాయర్85 శాతానికి పైగా పూర్తయింది. అయితే ఈ రిజర్వాయర్ కారణంగా భువనగిరి మండలం బీఎన్ తిమ్మాపూర్ పూర్తిగా మునిగిపోతోంది. ఈ గ్రామంలోని వారికి ఆర్ అండ్ ఆర్ప్యాకేజీ కింద 1,075 మందికి ఇండ్ల నిర్మాణం కోసం ఖాళీ స్థలం ఇవ్వడంతోపాటు ఒక్కొక్కరికి రూ.7.61 లక్షల చొప్పున అందించారు.
తాజాగా స్ట్రక్చర్ వ్యాల్యూ..
ఈ రిజర్వాయర్ కారణంగా గ్రామంలోని 834 ఇండ్లు, ఖాళీ స్థలాలు సహా బోరు బావులు, చెట్లు మునిగిపోనున్నాయి. ఈ స్ట్రక్చర్ను వెరిఫికేషన్ చేసి వీటి విలువ రూ.109 కోట్లుగా గుర్తించారు. అయితే ఈ మొత్తం పంపిణీ చేయకపోవడంతో దాదాపు రెండేండ్లుగా పెండింగ్లో పడింది. తాజాగా వీరందరికీ స్ట్రక్చర్ వ్యాల్యూ పంపిణీ చేయాలని ప్రభుత్వం నిర్ణయం తీసుకుంది. తక్కువ మొత్తంలో నష్టపోతున్నవారికి ముందస్తుగా పేమెంట్ రిలీజ్ చేయాలని నిర్ణయం తీసుకుంది. ఈ లెక్కన 491 మందికి రూ.30 కోట్లు చెల్లించాల్సి ఉంది. ఇందులో భాగంగా నిర్వాసితులకు ఫారం 37 నోటీసులను జారీ చేసింది. ఈ నోటీసులను రెవెన్యూ సిబ్బంది నిర్వాసితులకు అందిస్తున్నారు. ఈ నోటీసులు అందుకున్న వారు తాము నష్టపోతున్న వాటి వివరాలు, తమకు సంబంధించిన పూర్తి వివరాలను భువనగిరి ఆర్డీవో కార్యాలయంలో అందించాల్సి ఉంది. కాగా అడిషనల్ కలెక్టర్ జీ వీరారెడ్డి, ఆర్డీవో కృష్ణారెడ్డి గురువారం బీఎన్ తిమ్మాపురంను సందర్శించి నిర్వాసితులతో మాట్లాడారు.
నేటి నుంచి అకౌంట్లలో..
నోటీసులు అందుకున్న 491 మంది తమ వివరాలను ఆర్డీవో ఆఫీసులో అందించే ప్రక్రియ దాదాపు పూర్తయింది. దీంతో శుక్రవారం నుంచి తక్కువ మొత్తంలో నష్టపోయినవారి అకౌంట్లలో మొదటగా అమౌంట్జమ చేయనున్నారు. ఈ విధంగా ఈ వారంలోపు అందరికీ పేమెంట్ జమ చేస్తామని ఆఫీసర్లు చెబుతున్నారు. వీరికి పేమెంట్అందిన తర్వాత మిగిలిన వారందరికీ ఫారం 37 నోటీసులు అందిస్తామని, అనంతరం స్టక్చర్ పేమెంట్జమ చేస్తామని ఆర్డీవో తెలిపారు.
