తూప్రాన్, మనోహరాబాద్, వెలుగు: అక్రమాస్తుల కేసులో మెదక్ జిల్లా మనోహరాబాద్ ఎంపీడీఓ జైపాల్రెడ్డిని అరెస్ట్ చేసి బుధవారం ఏసీబీ ఫస్ట్ అడిషనల్ స్పెషల్ మెజిస్ట్రేట్ఎదుట హాజరు పరిచినట్టు ఏసీబీ డైరెక్టర్జనరల్ ఒక ప్రకటనలో తెలిపారు. ఆదాయానికి మించి ఆస్తులు కూడబెట్టినట్టు కంప్లయింట్ వచ్చిన నేపథ్యంలో మంగళ, బుధవారాల్లో మనోహరాబాద్ ఎంపీడీఓ ఆఫీస్తో పాటు, మేడ్చల్లోని ఎంపీడీఓ ఇంట్లో ఏసీబీ ఆఫీసర్లు సోదాలు చేశారు. ఈ సందర్భంగా జైపాల్రెడ్డికి సంబంధించి స్థిర, చరాస్తులు, క్యాష్, జ్యువెల్లరీ కలిపి మొత్తం దాదాపు రూ.3.40 కోట్ల విలువైన ఆస్తులు గుర్తించినట్టు ఏసీబీ డీజీ వెల్లడించారు.
