- కొత్త జీవో జారీ చేసిన సర్కార్
భద్రాచలం, వెలుగు : భద్రాచలం శ్రీసీతారామచంద్రస్వామి దేవస్థాన ఈవో ఎల్.రమాదేవి బదిలీ నిలిచిపోయింది. ఈ మేరకు శుక్రవారం రెవెన్యూ ప్రిన్సిపల్ సెక్రటరీ నవీన్మిట్టల్ఉత్తర్వులు జారీ చేశారు. ఈ నెల 12వ తేదీన ఈవో రమాదేవిని మేడ్చల్జిల్లా కీసర ఆర్డీవోగా బదిలీ చేస్తూ జీవో నెంబరు 79 రిలీజయ్యింది. సరిగ్గా ఏడాది క్రితమే ఈవోగా బాధ్యతలు చేపట్టిన రమాదేవి ఆలయ ఆదాయం పెంచడంలో సక్సెస్ అయ్యారు. బదిలీ వార్త విన్న వెంటనే భద్రాచలంలోని ప్రజాసంఘాలు, ఇతర రాజకీయ పార్టీల లీడర్లు ఆగ్రహం వ్యక్తం చేశారు. ఆలయంలోని అర్చకులు, ఉద్యోగులు, టీఎన్జీవోలు నల్లబ్యాడ్జీలతో నిరసన తెలిపారు. ప్రభుత్వానికి లెటర్లు రాశారు. ఈవో రమాదేవిని ఇక్కడే కొనసాగించాలని విజ్ఞప్తి చేశారు. దీంతో పునరాలోచనలో పడిన సర్కారు తాజాగా జీవో నెంబరు 88 రిలీజ్ చేసింది. ఈవో రమాదేవి బదిలీ రద్దు చేస్తూ భద్రాచలంలోనే కొనసాగేలా ఆర్డర్స్ ఇచ్చింది.
