హైదరాబాద్ లో భారీ వర్షం కురుస్తోంది. రాత్రి నుంచి పలు ప్రాంతాల్లో వర్షం కురుస్తున్నా.. తెల్లవారుజామున మరింత జోరందుకుంది. ఎల్బీనగర్, ఉప్పల్, బంజారాహిల్స్, జూబ్లీహిల్స్, బేగంపేట, కోఠి, లక్డీకాపూల్ తో పాటు.. సిటీలోని అన్ని ప్రాంతాల్లో వర్షం పడుతోంది. ఉదయం 5 గంటలకు మొదలైన వాన... దాదాపు గంటకు పైగా వర్షం కురుస్తోంది. దీంతో లోతట్టు ప్రాంతాలోకి వర్షం నీళ్లు వచ్చి చేరుతున్నాయి.
అటు జిల్లాల్లోనూ భారీ వర్షం కురుస్తోంది. నిజామాబాద్ జిల్లా కోటగిరిలో అత్యధికంగా 14 సెంటీమీటర్ల వర్షాపాతం నమోదైంది. సిరిసిల్ల, సంగారెడ్డిలో 9 సెంటీమీటర్లు, హనుమకొండ,కామారెడ్డి, ఖమ్మంలో 8 సెంటీమీటర్ల వర్షాపాతం రికార్డ్ అయ్యింది. ఇవాళ, రేపు కూడా వర్షాలు పడే అవకాశం ఉందని వాతావరణ శాఖ తెలిపింది. కొన్ని ప్రాంతాల్లో భారీ వర్షాలకు అవకాశం ఉందన్నారు.
