వారం, పదిరోజులకి సరిపడా పండ్లు, కూరగాయలు తెచ్చి ఫ్రిజ్లో పెడుతుంటాం. రాత్రిళ్లు మిగిలిపోయిన ఫుడ్ని కూడా ఫ్రిజ్లోనే పెడతాం. ఆ ఆలోచన మంచిదే అయినా.. అన్ని రకాల ఫుడ్స్ ఫ్రిజ్ టెంపరేచర్కి సూట్ కావు. అలాంటి కొన్ని పదార్థాలు ఏంటో ఇప్పుడు తెలుసుకుందాం. కీరదోసని ఫ్రిజ్లో పెడితే వాటి టేస్ట్ పూర్తిగా మారుతుంది. చప్పబడతాయి అవి. పైగా ఫ్రిజ్లో పెట్టడం వల్ల కీరదోస మెత్తబడుతుంది. ఫ్రైడ్ ఫుడ్స్ని ఫ్రిజ్లో పెట్టకూడదు. ఎందుకంటే వాటిని తిరిగి వేడిచేస్తే ఫ్రెష్గా ఉండవు. అలాగే ఉడికించిన పాస్తాని ఫ్రిజ్లో స్టోర్ చేయకూడదు.
టొమాటో సాస్ లేదా పేస్ట్ని ఫ్రిజ్లో పెడితే వాటిల్లోని నీరంతా పోతుంది. టెక్చ్సర్ కూడా ఇంతకుముందులా ఉండదు. ఆలుగడ్డల్ని ఫ్రిజ్లో పెడితే, వాటిల్లోని పిండి పదార్థమంతా చక్కెరగా మారుతుంది. వండేటప్పుడు ఆ చక్కెర అమైనో యాసిడ్స్తో కలిసి ఆరోగ్యాన్ని చిక్కుల్లో పడేస్తుంది. అరటిపండ్లని ఫ్రిజ్లో పెడితే నల్లబడతాయి. అలాగే బ్రెడ్ని కూడా ఫ్రిజ్లో పెట్టకూడదు. కాఫీ బీన్స్ని కూడా ఫ్రిజ్లో పెట్టకూడదు. వీటివల్ల ఆరోగ్యానికి ఎలాంటి ఇబ్బంది లేకపోయినా.. ఇవి ఫ్రిజ్లోని మిగతా పదార్థాల టేస్ట్ని అబ్జార్బ్ చేసి, కాఫీ టేస్ట్ని మారుస్తాయి.
