వికారాబాద్, వెలుగు: వికారాబాద్ జిల్లా మోమిన్పేట మండలంలోని కొలుకుంద సర్పంచ్ కరుణం కీర్తి రామక్రిష్ణ సోమవారం ప్రమాణస్వీకారం చేశారు. తొలి రోజే తాను ఇచ్చిన ఆరు గ్యారంటీల హామీలో ఒకటి నెరవేర్చారు. క్రిస్మస్ పండుగను పురస్కరించుకుని మహిళలకు చీరలు, పురుషులకు షర్ట్, ధోతీలు క్రిస్మస్ కానుక కింద పంపిణీ చేశారు. ఎన్నికల సమయంలో ఇచ్చిన మాట ప్రకారం ప్రతీ హామీని నెరవేస్తానని సర్పంచ్ చెప్పారు.
ఉచిత ఆటో సర్వీసు ప్రారంభం
చేవెళ్ల: చేవెళ్ల మండలం ఆలూరు సర్పంచ్ భాగ్య శేఖర్ గౌడ్ సోమవారం ప్రమాణస్వీకారం రోజే తాను ఇచ్చిన హామీని నెరవేర్చారు. గ్రామంలోని దివ్యాంగులు, వృద్ధులు, గర్భిణుల కోసం ఉచితంగా ఎలక్ట్రికల్ ఆటో సర్వీసు అందిస్తానని హామీ ఇచ్చారు. ఇచ్చిన మాట ప్రకారం ఆటో సర్వీస్ ప్రారంభించారు.
