- అదరగొట్టిన తెలుగు రాష్ట్రాల విద్యార్థులు
హైదరాబాద్, వెలుగు: ఓపెన్‌ ఏఐ అకాడమీ, నెక్స్ట్‌‌‌‌వేవ్ సంయుక్తంగా నిర్వహించిన బిల్డాథాన్‌‌‌‌లో తెలుగు రాష్ట్రాల విద్యార్థులు అదరగొట్టారు. ఏకంగా 1,500 మందికి పైగా విద్యార్థులు ఈ పోటీల్లో పాల్గొన్నారు. హైదరాబాద్‌‌‌‌లో 900 మంది, విజయవాడలో 500 మందికి పైగా విద్యార్థులు రాష్ట్రస్థాయి క్వాలిఫైయర్స్‌‌‌‌కు అర్హత సాధించారు. వీరిలో అత్యుత్తమ ప్రతిభ కనబరిచిన వంద మంది విద్యార్థులు.. కేంద్ర ప్రభుత్వం ఇండియా ఏఐ మిషన్ కింద వచ్చే ఫిబ్రవరి నెలలో నిర్వహించే గ్రాండ్ ఫినాలే ఇండియా ఏఐ ఇంపాక్ట్ 2026 సమ్మిట్కు ఎంపికయ్యారు.
ఈ సందర్భంగా నెక్ట్స్ వేవ్ సీఈఓ రాహుల్ అట్టులూరి మాట్లాడుతూ.. ప్రాంతీయ బిల్డాథాన్‌‌‌‌ల ద్వారా తెలంగాణ, ఆంధ్రప్రదేశ్‌‌‌‌లోని టైర్-2, టైర్-3 నగరాల్లోని విద్యార్థుల్లో దాగి ఉన్న ఏఐ ప్రతిభను బయటకు తీయగలిగామని తెలిపారు. 48 గంటల జెన్ ఏఐ స్ప్రింట్స్, ఏఐ విద్యార్థుల భవిష్యత్తును ఎలా మార్చివేస్తుందో తెలియజేస్తున్నదని చెప్పారు.
