దోహా : ఖతర్ జాతీయ పతాకంపై ఉండే రెండు ఖడ్గాల చిహ్నాన్ని తలపించే గొప్ప నిర్మాణం.. ఆ దేశ రాజధాని దోహాలో ఆవిష్కృతమైంది. దీన్ని చూసి కేవలం కట్టడమే అనుకుంటే తప్పులో కాలేసినట్టే. ఎందుకంటే.. అందులో రాఫెల్స్, ఫెయిర్ మోంట్ అనే రెండు లగ్జరీ హోటళ్లు ఉన్నాయి. ఈ అపురూపమైన కట్టడానికి ‘కటారా టవర్స్’ అని పేరు పెట్టారు.
ఇందులో రాఫెల్స్, ఫెయిర్ మోంట్ హోటళ్ల భవంతులు చెరో 3 లక్షల చదరపు మీటర్ల పరిధిలో విస్తరించి ఉన్నాయి. ఖతర్ లోని పర్షియన్ గల్ఫ్ సముద్ర తీరంలో ఈ చూడచక్కటి నిర్మాణం ఉంది. ఫెయిర్మోంట్ హోటల్లోని గోడలపై బ్యూటిఫుల్ టెక్స్చర్ కోసం 18 క్యారెట్ల బంగారాన్ని వాడటం విశేషం. ఇదే హోటల్లో ప్రపంచంలోనే పెద్ద షాండ్లియర్ కూడా ఉంది. దీన్ని 183 అడుగుల ఎత్తులో బిగించారు.
