కంటెంట్ క్రియేటర్స్, ఇన్స్టా ఫాలోవర్స్కి గుడ్న్యూస్... ఈమధ్యే పెయిడ్ సబ్స్క్రిప్షన్ ఫీచర్ తీసుకొచ్చిన ఇన్స్టాగ్రామ్ త్వరలోనే మరో కొత్త ఫీచర్ తీసుకురాబోతోంది. క్రియేటర్స్ ఎక్కువమంది సబ్స్క్రయిబర్స్తో టచ్లో ఉండేందుకు ఈ ఫీచర్ ఎంతో ఉపయోగపడుతుంది. దీంతో సబ్స్క్రయిబర్స్తో ఎక్స్క్లూజివ్ పోస్ట్లు, రీల్స్, చాట్స్ షేర్ చేసుకోవచ్చు. ఇప్పటివరకు సబ్స్క్రయిబర్ స్టోరీలను మాత్రమే పోస్ట్ చేసేవాళ్లు క్రియేటర్స్. ఇప్పుడు వాళ్లు నేరుగా కంటెంట్ని సబ్స్క్రయిబర్స్కు షేర్ చేయొచ్చు. అంతేకాదు ఒక సబ్స్క్రయిబర్ చాట్లో 30 మంది వరకు ఉండొచ్చు. ‘జాయిన్ చాట్’ ఆప్షన్ ద్వారా కొత్త వాళ్లు చాట్ చేయొచ్చు. వీటితోపాటు ఫాలోవర్స్ని ఎంకరేజ్ చేయడంకోసం సబ్స్క్రిప్షన్ స్టోరీ స్టిక్కర్, ప్రోమో రీల్స్ కూడా అందుబాటులోకి తేనునట్టు చెప్పింది ఇన్స్టాగ్రామ్.
డిలీట్ టైం పెరిగింది
వాట్సాప్ గ్రూప్లో లేదా ఎవరికైనా పర్సనల్గా పంపిన మెసేజ్లని డిలీట్ చేయడానికి ‘డిలీట్ ఫర్ ఎవ్రీవన్’ ఆప్షన్ వాడుతుంటారు చాలామంది. అయితే ఇప్పటివరకు ఒక గంట ఎనిమిది నిమిషాల 16 సెకన్లలోపు మాత్రమే డిలీట్ ఫర్ ఎవ్రీవన్ ఆప్షన్ పనిచేసేది. దాంతో కొన్ని మెసేజ్లని డిలీట్ చేయడం కుదరక ఇబ్బంది పడేవాళ్లు యూజర్లు. అయితే ఇకనుంచి ఆ ఇబ్బంది ఉండదు. ఎందుకంటే.. యూజర్ల కంఫర్ట్ కోసం ‘డిలీట్ ఫర్ ఎవ్రీవన్’ టైం పెంచింది మెటా. ఈ కొత్త ఫీచర్ సాయంతో ఇకపై ఒక మెసేజ్ని 2 రోజుల 12 గంటల్లోపు డిలీట్ చేయొచ్చు. ఈ ఫీచర్ బీటా వెర్షన్ యూజర్లకు త్వరలోనే అందుబాటులోకి రానుంది.
31 కొత్త ఎమోజీలు
సోషల్మీడియాలో పోస్ట్ల నుంచి వాట్సాప్ చాటింగ్ల వరకు ఎమోజీలు బాగా పాపులర్. ఏదైనా పోస్ట్ మీద అభిప్రాయం ఏంటి? ప్రస్తుతం ఏం చేస్తున్నారు? ఫలానా వెబ్సిరీస్ ఇంట్రెస్టింగ్గా ఉందా? ... ప్రశ్న ఏదైనా ఎమోజీ రిప్లయ్ ఇవ్వడం ఈమధ్య మామూలై పోయింది. ఒక మెసేజ్లో చెప్పలేని విషయాన్ని ఒక్క ఎమోజీతో ఈజీగా చెప్పేయొచ్చు. అందుకని ప్రతి ఏడాది కొత్త ఎమోజీలు తెస్తున్నాయి కంపెనీలు. ఈ ఏడాది కొత్తగా 31 ఎమోజీలు రాబోతున్నాయి. వాటిలో గ్రే, పింక్ కలర్ హార్ట్ సింబల్స్తో పాటు జంతువులు, పక్షులు, సముద్ర జీవులు ఉన్నాయి.
వర్డ్లీ ‘మల్టీ పార్టీ గేమ్’
పజిల్ గేమ్స్ని ఇష్టపడేవాళ్లకు కావాల్సినంత థ్రిల్నిచ్చింది వర్డ్లీ. సెలబ్రిటీల నుంచి సామాన్యుల దాకా రోజూ తమ వర్డ్లే స్కోర్ని సోషల్మీడియాలో పెడుతున్నారు. ఇప్పటి వరకు సోలోగా ఆడుతున్న ఈ గేమ్ ఇకనుంచి మరింత ఇంట్రెస్టింగ్గా ఉండబోతుంది. ఈమధ్యే ఈ గేమ్ని సొంతం చేసుకున్న న్యూయార్క్ టైమ్స్ సంస్థ త్వరలోనే ఇందులో ‘మల్టీ పార్టీ గేమ్’ అనే కొత్త ఫీచర్ తేనుంది. ఈ ఫీచర్ వస్తే... వర్డ్లీ పజిల్ని ఒకేచోట ఫ్రెండ్స్, ఫ్యామిలీతో కలిసి సాల్వ్ చేయొచ్చు. అదెలాగంటే... ఒక ప్లేయర్ అనుకున్న ఐదు అక్షరాల పదాన్ని మిగతావాళ్లు గెస్ చేయాలి. సరైన పదాల మీద పసుపు, ఆకుపచ్చ రంగు ఉంటుంది. చిన్న డ్రై– ఎరేజ్ బోర్డ్ల మీద ఈ గేమ్ ఆడాలి. ఒక రౌండ్ అయ్యాక బోర్డ్ని క్లీన్ చేసి మళ్లీ ఆట మొదలుపెట్టాలి.
ఫేస్బుక్లో ఐదు ప్రొఫైల్స్
చిన్నప్పటి దోస్తుల నుంచి ఆఫీస్ కొలీగ్స్ వరకు అంతా ఫేస్బుక్లో ఉంటారు. అందుకని వాళ్ల పేరుతో వెతికి ఫ్రెండ్స్ రిక్వెస్ట్ పంపిస్తారు చాలామంది. అయితే, ఒకే పేరు మీద పదికి పైగా అకౌంట్లు ఉండడంతో ఫొటో చూస్తే గానీ రిక్వెస్ట్ ఎవరికి పంపాలో అర్థంకాదు. అందుకు కారణం కొందరికి రెండు మూడు ఫేస్బుక్ అకౌంట్స్ ఉంటాయి. అయితే... ఇకనుంచి ఒకటికి మించి ఫేస్బుక్ అకౌంట్స్ ఓపెన్ చేయాల్సిన అవసరం లేదట. అందుకోసం త్వరలోనే ఒకే అకౌంట్ మీద ఐదు ప్రొఫైల్స్ క్రియేట్ చేసుకునే ఫీచర్ తీసుకురాబోతోంది. అది కూడా వాళ్ల సొంత పేరుతో. అకౌంట్లోకి లాగిన్ అయ్యాక ఐదు ప్రొఫైల్స్ క్రియేట్ చేసుకోవచ్చు. అందరికీ ఒకే ఫేస్బుక్ అకౌంట్ ఉండాలనే ఉద్దేశంతో ఈ కొత్త ఫీచర్ తీసుకొస్తోంది ఫేస్బుక్.
