పోర్న్ ఫిలిమ్స్ కేసులో బాలీవుడ్ నటి శిల్పా శెట్టి భర్త రాజ్ కుంద్రాను ముంబయి పోలీసులు అరెస్ట్ చేశారు. ఫోర్న్ సినిమాలను తీసి... వాటిని కొన్ని యాప్స్ ద్వారా వాటిని రిలీజ్ చేస్తున్నట్టు రాజ్ కుంద్రాపై ఫిబ్రవరిలోనే కేసు నమోదు చేశారు. ఈ ఇష్యూలో అతనే కీలక పాత్రధారిగా ఉన్నట్టు గుర్తించామని... పోలీసులు తెలిపారు. కేసుకు సంబంధించి కీలక ఆధారాలు ఉన్నాయని, ఈ కేసులో ప్రధాన కుట్రదారుగా రాజ్ కుంద్రా భావిస్తున్నామని ముంబయి పోలీస్ కమిషనర్ తెలిపారు. ముంబయి పోలీస్ క్రైమ్ బ్రాంచ్ ప్రాపర్టీ సెల్ పోలీసుల ముందు నిన్న సాయంత్రం రాజ్ కుంద్రా హాజరు కాగా... అక్కడే అతడిని అరెస్ట్ చేశారు. అయితే తాను ఏ తప్పు చేయలేదని రాజ్ కుంద్రా చెప్పారు. రాజ్ కుంద్రాకు JJ హాస్పిటల్ లో మెడికల్ టెస్టులు చేయించారు పోలీసులు. 2013లో సంచలనం సృష్టించిన IPL బెట్టింగ్ , స్పాట్ ఫిక్సింగ్ కేసులోనూ రాజ్ కుంద్రా నిందితుడిగా ఉన్నారు.
