హీరో సిద్ధార్థ్, హీరోయిన్ అదితీరావు హైదరి ప్రేమలో ఉన్నారని గత కొద్ది రోజులుగా ప్రచారం జరుగుతోంది. వీరిద్దరూ మహాసముద్రం అనే మూవీలో కలిసి నటించారు. ఆ సమయంలో ఏర్పడిన పరిచయం ప్రేమగా మారిందని వార్తలు షికారు చేశాయి. ఎన్ని వార్తలు వస్తున్నా..వీరిద్దరు మాత్రం ఖండించడం లేదు. పైగా ఫంక్షన్లు, టూర్లకు తిరుగుతూ వార్తలకు మరింత బలం చేకూరుస్తున్నారు. ఈ క్రమంలో తాజాగా సిద్ధార్థ్ తో కలిసి అదితీరావు డ్యాన్స్ చేస్తున్న ఓ వీడియో సోషల్ మీడియాలో వైరల్ అయింది.
ఓ ట్రెండింగ్ సాంగ్కు సిద్ధార్థ్తో కలిసి అదితీ డ్యాన్స్ చేసింది. సాంగ్లో ఇద్దరు ఎంతో ఉత్సాహంగా స్టెప్పులేశారు. ఆ తర్వాత అదితీ ఈ వీడియోను ఇన్ స్టాలో షేర్ చేయడంతో వైరల్ అయింది. ఇప్పటికే ఈ వీడియోకు సుమారు 3.5 లక్షలకు పైగా లైక్స్ రావడం విశేషం.
అదితి- సిద్ధార్థ్ త్వరలోనే వివాహం చేసుకునే అవకాశాలు ఉన్నాయని తెలుస్తోంది. ఇక సిద్ధార్థ గతంలో పెళ్లి చేసుకుని విడాకులు తీసుకున్నాడు. అదితీరావు హైదరి కూడా గతంలోనే వివాహం చేసుకుని విడాకులు తీసుకుంది.