స్వీట్స్ చేయాలంటే చక్కెర తప్పనిసరి. చక్కెర వద్దులే అనుకుంటే బెల్లం. కొన్ని కొన్ని స్పెషల్ ఐటమ్స్‌‌కి అయితే తేనె. ఇంకొంతమంది ఆర్టిఫీషియల్ షుగర్, మాపుల్ సిరప్లు వాడతారు. వాటితోపాటు పాపులర్ షుగర్ ప్రొడక్ట్ మరొకటి ఉంది. దాని పేరు అగేవ్ నెక్టార్. దీన్ని అగేవ్ సిరప్ అని కూడా అంటారు. దీన్ని ఎక్కువగా టెక్విలా(ఆల్కహాల్) ప్రొడక్షన్లో వాడతారు.
బ్లూ అగేవ్ అనేది ఎడారి మొక్క. దీన్ని సైంటిఫిక్గా అగేవ్ టకీలానా అంటారు. ఇది అమెరికాలోని కొన్ని రాష్ట్రాల్లో పెరుగుతుంది. టకీలా అనే ఆల్కహాల్ ప్రొడక్ట్, అగేవ్ సిరప్లు దీన్నుంచి తయారుచేసినవే. మెక్సికోలో దీన్ని చాలా ఏండ్ల నుంచి వాడుతున్నారు. దీనివల్ల మెడికల్ బెనిఫిట్స్ ఉన్నాయని వాళ్లు నమ్ముతారు. నిజానికి ఇందులో ఫ్రక్టేన్స్ అనే గుడ్ ఫైబర్ ఉంటుంది. అది మెటబాలిజం, ఇన్సులిన్ను మేనేజ్ చేస్తుంది. ఆరోగ్యానికి మంచిదే. కానీ, కమర్షియల్గా తయారుచేసే పద్ధతిలో హెల్త్కు మంచి చేసే పదార్థాలన్నీ పోతాయి. అదెలాగంటే అగేవ్ మొక్క నుంచి తీసిన గుజ్జును ఉడికించి ‘మియెల్ డె అగేవ్’ అనే స్వీట్నర్ను తయారుచేస్తారు. ఉడికించడం వల్ల దానిలో ఉన్న మెడికల్ వ్యాల్యూస్ పోతాయి. అలాగే టెక్విలాలో చాలాకాలం పులియబెట్టిన అగేవ్ షుగర్ వాడతారు. అగేవ్లో మెజ్కెల్ (అగేవ్ అమెరికానా) అనే రకం కూడా ఉంది. దీన్నుంచి కూడా చక్కెర ప్రొడ్యూస్ చేస్తారు. అంతేకాదు, అగేవ్ ఫ్లవర్స్తో చేసిన సలాడ్, శ్నాక్స్ మెక్సికోలో ఫేమస్. అగేవ్ మొక్కని షో ప్లాంట్గా ఇళ్లలో పెంచుకుంటారు.
వాడొద్దు!
ఇందులో ఎక్కువ ఫ్రక్టోస్ ఉంటుంది. అందువల్ల ఎక్కువగా తింటే ఫ్రక్టోజ్ కాస్తా ఫ్యాట్గా మారుతుంది. దానివల్ల లివర్ ఫంక్షన్ మీద ఎఫెక్ట్ పడుతుంది. దాంతోపాటు హార్ట్ ప్రాబ్లమ్స్, లాంగ్ టర్మ్ టైప్2 డయాబెటిస్ వచ్చే ప్రమాదముంది. అందుకని దీన్ని ఎక్కువగా వాడకపోవడమే మంచిది అంటున్నారు ఎక్స్పర్ట్స్.
