నాంది సినిమాతో బ్లాక్ బస్టర్ హిట్టందుకున్న అల్లరి నరేశ్(Allari naresh) ఉగ్రం సినిమాతో ప్రేక్షకులను పలకరించనున్నాడు. నాంది సినిమాకు దర్శకత్వం వహించిన విజయ్ కనకమేడల ఈసినిమా(Ugram)ను కూడా తెరకెక్కిస్తున్నాడు. అల్లరి నరేష్ సరసన మిర్నా హీరోయిన్ గా నటిస్తోంది.
ఈ సినిమా మే 5న థియేటర్లలో సందడి చేయనుంది. ఇందుకు ఇంకా నెల రోజులు మాత్రమే మిగిలి ఉండటంతో ఇప్పటికే మూవీ టీం ప్రమోషన్ కార్యక్రమాలను మొదలు పెట్టింది. సినిమాకు సంబంధించిన టీజర్ తో పాటుగా ఒక పాటను విడుదల చేసింది. తాజాగా ఈ సినిమా నుంచి అల్బేలా అల్బేలా అనే సెకండ్ సింగిల్ ను హీరో నాని(Nani) విడుదల చేశారు.
టైటిల్ లో ఉన్న సీరియస్ నెస్ సినిమాలో ఉండదు అన్నట్టుగా ఈ సాంగ్ పిక్చరైజేషన్ ఉంది. మంచి లోకేషన్లలో ఫ్యామిలీతో కలిసి వెకేషన్ కు వెళ్లిన హీరో పాడుకునే పాట ఇది. మండే వేసవిలో చల్లటి ఫీలింగ్ ఇస్తున్న ఈ పాటకు శ్రీచరణ్ పాకాల సంగీతం అందించగా.. లిరిక్స్ ను భాస్కరభట్ల రాశారు. షైన్ స్క్రీన్స్ బ్యానర్ పై ఈ సినిమా రూపొందుతోంది.
