- ‘అమ్మానాన్న.. 21 రోజులు గుడి’
- పికెట్ప్రసన్నాంజనేయ స్వామి టెంపుల్ లో ప్రారంభం
సికింద్రాబాద్, వెలుగు: సెల్ఫోన్లకు అడిక్ట్ అయి దైవ చింతనకు దూరమైన పిల్లలు, యువతలో భక్తి భావాన్ని పెంపొందించి.. మానసిక ఒత్తిడిని దూరం చేసేందుకు ‘అమ్మానాన్న.. 21 రోజులు గుడి, విద్య’ ప్రోగ్రామ్ నిర్వహిస్తున్నట్లు కంటోన్మెంట్కు చెందిన వీఆర్ విజయరామరాజు తెలిపారు. కంటోన్మెంట్సెగ్మెంట్ మొదటి ఎమ్మెల్యే వి.రామారావు, మంకమ్మల కుమారుడైన వీఆర్ విజయరామరాజు మంగళవారం పికెట్లోని ప్రసన్నాంజనేయ స్వామి ఆలయంలో ఈ ప్రోగ్రామ్ను ప్రారంభించారు.
ఈ సందర్భంగా ఆయన మాట్లాడుతూ.. ప్రసన్నాంజనేయ స్వామి ఆలయంలో 21 రోజుల పాటు ఉదయం 6 గంటల నుంచి 8 గంటల వరకు పిల్లలు, యువతకు శిక్షణ ఉంటుందన్నారు. దైవభక్తితో పాటు తల్లిదండ్రులతో ఎలా ఉండాలి, క్రమశిక్షణ, విద్యా సంబంధ విషయాలను నేర్పుతామన్నారు. 21 రోజుల శిక్షణ పూర్తి చేసిన స్టూడెంట్లకు ప్రైజ్లు అందజేస్తామన్నారు. మొదటి రోజు కార్యక్రమానికి సుమారు 200 మంది స్టూడెంట్లు హాజరైనట్లు ఆయన పేర్కొన్నారు.
