- సీపీ సత్యనారాయణ
నిజామాబాద్ క్రైమ్, వెలుగు : వినాయక చవితి ఉత్సవాల సందర్భంగా విగ్రహాలు ఏర్పాటుకు ఆన్లైన్లో అప్లయ్ చేసుకోవాలని పోలీస్ కమిషనర్ వి.సత్యనారాయణ పేర్కొన్నారు. పోలీస్ కమిషనరేట్ పరిధిలోని పట్టణాలు, గ్రామాల్లో విగ్రహాలు పెట్టేవారు http/policepotal.tspolice.gov.in ద్వారా దరఖాస్తు చేసుకోవాలన్నారు. శాంతి భద్రతలకు భంగం కలిగించని, రాకపోకలకు ఇబ్బందులు లేకుండా ఉన్న ప్రదేశాలకు పోలీసుల అనుమతి ఉంటుందన్నారు.
ఉత్సవ వేడుకలకు అవసరమయ్యే విద్యుత్ కనెక్షన్, సంబంధిత శాఖ అనుమతి తీసుకున్న పత్రం జతపరచాలన్నారు. సుప్రీంకోర్టు ఆదేశాల మేరకు రాత్రి 10 గంటల నుంచి ఉదయం ఆరు గంటల వరకు సౌండ్ సిస్టమ్ఉపయోగించరాదన్నారు. ఉత్సవ నిర్వాహకులు మండపం వాలంటీర్లను నియమించాలని సూచించారు.
బోధన్ : నిజామాబాద్ పోలీస్ కమిషనర్వి.సత్యనారాయణ బోధన్ పోలీస్ స్టేషన్ను ఆకస్మికంగా తనిఖీ చేశారు. స్టేషన్లో నమోదైన కేసుల వివరాలు అడిగి తెలుసుకున్నారు. వినాయక చవితి, మిలాద్ఉన్ నబీ పండగల సందర్భంగా పటిష్ట బందోబస్తు ఏర్పాటు చేయాలని సూచించారు. ఆయన వెంట డిప్యూటీ కమిషనర్ఎస్. జయరాం, బోధన్ఏసీపీ కిరణ్కుమార్, సీఐ ప్రేమ్కుమార్ తదితరులు ఉన్నారు.
