- అభ్యర్థి రాజిరెడ్డి, మాజీ ఎంపీ మీనాక్షి నటరాజన్ ప్రచారం
నర్సాపూర్, శివ్వంపేట, వెలుగు : బీఆర్‌‌ఎస్ గతంలో ఇచ్చిన హామీలు అమలు చేయకుండా ప్రజలను మోసం చేస్తోందని కాంగ్రెస్ నర్సాపూర్ అభ్యర్థి ఆవుల రాజిరెడ్డి ఆరోపించారు. ఆదివారం ఆయన, సీడబ్లసీ మెంబర్, మాజీ ఎంపీ మీనాక్షి నటరాజన్‌తో కలిసి మెదక్ పట్టణంలో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. బీఆర్‌‌ఎస్లీడర్లు భూకబ్జాలు చేసి ధనవంతులయ్యారని ఆరోపించారు.
ఇంటింటికి తిరుగుతూ కాంగ్రెస్ మేనిఫెస్టోలో ఇచ్చిన హామీలను ఓటర్లకు వివరించారు. ఎన్నికల్లో కాంగ్రెస్కు ఓటేసి గెలిపించాలని విజ్ఞప్తి చేశారు.ప్రచారంలో టీపీసీసీ అధికార ప్రతినిధి రెడ్డిపల్లి ఆంజనేయులు గౌడ్, సీనియర్ నాయకురాలు చిలుముల సుహాసిని రెడ్డి, మార్కెట్ కమిటీ మాజీ చైర్మెన్ హంసిబాయి, పార్టీ మండల అధ్యక్షులు, కాంగ్రెస్ నాయకులు పాల్గొన్నారు.
నేడు రేవంత్రెడ్డి బహిరంగ సభ
ఎన్నికల ప్రచారంలో భాగంగా సోమవారం ఉదయం 11 గంటలకు నర్సాపూర్ పట్టణంలో రేవంత్ రెడ్డి బహిరంగ సభ ఏర్పాటుచేసినట్టు రాజిరెడ్డి తెలిపారు. నియోజకవర్గంలోని అన్ని మండలాల నుంచి కాంగ్రెస్ నాయకులు, కార్యకర్తలు పెద్ద సంఖ్యలో తరలిరావాలని పిలుపునిచ్చారు. ఆదివారం ఆయన పార్టీ లీడర్లతో కలిసి రేవంత్ రెడ్డి సభా స్థలివద్ద ఏర్పాట్లను పరిశీలించారు.
