హైదరాబాద్ బండ్లగూడ జాగీర్ కార్పొరేషన్ పరిధిలోని హైదర్ షా కోట్ విలేజ్ లోని కాలనీల్లో వర్షాలకు డ్రైనీజీలు పొంగిపొర్లుతున్నాయి. దీంతో ప్రజలు ఇబ్బందులు పడుతున్నారు. అధికారుల పట్టించుకోవట్లేదని వారు ఆవేదన వ్యక్తం చేస్తున్నారు. కార్పొరేషన్ పరిధిలోని 16, 5 వార్డ్ డివిజన్లలో పరిస్థితి మరీ తీవ్రంగా ఉంది. రోడ్డు వెంట నడిచే బాటసారులు, వాహనదారులు ఇబ్బందులు పడుతున్నారు. దుర్వాసనతో ముక్కు మూసుకుని వెళ్లాల్సిన దుస్థితి నెలకొంది.
ఈ నీటితో దోమలు, ఈగల వ్యాప్తి ఎక్కువగా ఉంటోందని.. రోగాలు ప్రబలుతున్నాయని ఆందోళన వ్యక్తం చేస్తున్నారు. అధికారులు స్పందించి డ్రైనేజీలు క్లీన్ చేపించి సమస్య పరిష్కరించాలని కోరుతున్నారు.
