టీ, కాఫీ, స్వీట్లు... ఇలా ఏదో విధంగా షుగర్ ఉన్న ఫుడ్ తీసుకుంటారు చాలామంది. అయితే కొందరు వీటిని ఎక్కువగా తీసుకోవడం వల్ల ఒంట్లో షుగర్ లెవల్స్ పెరుగుతుంటాయి. షుగర్ ఎక్కువైతే ఇన్ఫ్లమేషన్, డయాబెటిస్, క్యాన్సర్, ఒబెసిటి వంటి హెల్త్ ఇష్యూస్ వచ్చే ఛాన్స్ ఉంది. అయితే ఉన్నపళంగా షుగర్ ఉన్న ఫుడ్ ఆపేస్తే అలసట, తలనొప్పి, క్రాంప్స్ వంటి సమస్యలు వస్తాయి. ఇలాంటి సమస్యలు రాకుండా, స్వీట్లు తినాలనే కోరిక కలగకుండా ఉండేందుకు కిచెన్లో సుగంధ ద్రవ్యాలు మెడిసిన్గా పనిచేస్తాయి అంటున్నారు న్యూట్రిషనిస్టులు.
షుగర్కి ఆల్టర్నేట్గా యాలకుల్ని తినాలి. కమ్మని వాసన, రుచి ఉన్న ఇవి స్వీట్లు తినాలనే కోరిక రానీయవు. ఫ్రీరాడికల్స్ ఇన్సులిన్ని విడుదల చేసే కణాల్ని డ్యామేజ్ చేస్తుంటాయి. ఫ్రీరాడికల్స్ని బయటకి పంపించి, ఇన్సులిన్ రిలీజ్ని పెంచడంలో కొత్తిమీర బాగా పనిచేస్తుంది. నల్ల మిరియాల్లో పైపెరిన్ అనే ఆల్కలాయిడ్ ఉంటుంది. దీని యాంటీ ఇన్ఫ్లమేటరీ, యాంటీ ఆక్సిడెంట్ గుణాలు ఆరోగ్య సమస్యలు రాకుండా చూస్తాయి. పసుపులోని కర్క్యుమిన్ అనే ఆల్కలాయిడ్ ఇన్ఫ్లమేషన్ని తగ్గిస్తుంది. అంతేకాదు జీర్ణ సమస్యలు రాకుండా చూస్తుంది. లవంగాలు ఇన్సులిన్ సెన్సిటివిటీని పెంచుతాయి. రక్తంలో షుగర్ లెవల్స్ తగ్గడంలో సాయపడతాయి. యాంటీ ఇన్ఫ్లమేటరీ గుణాలున్న దాల్చినచెక్క ఇన్సులిన్ సిగ్నలింగ్ని ఇంప్రూవ్ చేస్తుంది.
