చేవెళ్ల, వెలుగు: పేద, మధ్య తరగతి జనాలను ఆకర్షించేలా బీజేపీ మేనిఫెస్టో ఉండబోతోందని మాజీ ఎంపీ, బీజేపీ నేత కొండా విశ్వేశ్వర రెడ్డి, చేవెళ్ల బీజేపీ అభ్యర్థి కేఎస్ రత్నం తెలిపారు. శుక్రవారం చేవెళ్ల మండలంలోని మడికట్టు, తంగడ్పల్లి, దుద్దాగు, తల్లారం, కౌకుంట్ల, అంతారం, హసైపూర్, నవులయపల్లి, కుమ్మెర, ముడిమ్యాల, రావులపల్లి, మల్కాపూర్ గ్రామాల్లో కొండా విశ్వేశ్వర రెడ్డితో కలిసి కేఎస్ రత్నం పర్యటించారు.
ఇంటింటికి తిరుగుతూ ఎన్నికల ప్రచారం నిర్వహించారు. గ్రామాల్లో ఆయనకు పెద్ద ఎత్తున స్వాగతం లభించింది. ఈ సందర్భంగా రత్నం మాట్లాడుతూ.. చేవెళ్లలో ఎమ్మెల్యేగా గెలిచి నిజాయతీగా సేవలందించేందుకు సిద్ధంగా ఉన్నట్లు తెలిపారు. కేంద్ర ప్రభుత్వ పథకాల గురించి వివరించారు. ఈ నెల 30న జరిగే ఎన్నికల్లో కమలం గుర్తుకు ఓటేసి తనను గెలిపించాలని కేఎస్ రత్నం కోరారు.
