మేడిపల్లి, వెలుగు : అసెంబ్లీ ఎన్నికల వేళ మేడ్చల్ బీఆర్ఎస్ అభ్యర్థి, మంత్రి చామకూర మల్లారెడ్డికి సొంత పార్టీకి చెందిన బోడుప్పల్ కార్పొరేటర్లు షాకిచ్చారు. గురువారం మాజీ ఎమ్మెల్యే మలిపెద్ది సుధీర్ రెడ్డి, మేడ్చల్ కాంగ్రెస్ అభ్యర్థి తోటకూర వజ్రేశ్యాదవ్, బోడుప్పల్ అధ్యక్షుడు పోగుల నరసింహరెడ్డి ఆధ్వర్యంలో పీసీసీ చీఫ్ రేవంత్ రెడ్డి ఇంట్లో ఆయన సమక్షంలో పార్టీలో చేరారు. బీఆర్ఎస్ కు రాజీనామా చేసి కాంగ్రెస్ లో చేరిన 23 డివిజన్ కార్పొరేటర్ రాసాల వెంకటేశ్యాదవ్, 1 వ డివిజన్ కార్పొరేటర్ బింగి జంగయ్య యాదవ్,13వ డివిజన్ కార్పొరేటర్ దానగళ్ల అనితా యాదగిరి,20 వ డివిజన్ కార్పొరేటర్ జడిగే మహేందర్ యాదవ్,24 వ డివిజన్ కార్పొరేటర్ గుర్రాల రమా వెంకటేశ్యాదవ్ ఉన్నారు.
కాంగ్రెస్ నేతలు రాపోలు రాములు, కొత్త కిషోర్ గౌడ్, దానగళ్ల యాదగిరి, గుర్రాల వెంకటేశ్ఉన్నారు. పార్టీ మారిన కార్పొరేటర్లు మాట్లాడుతూ.. బీఆర్ఎస్ లో ప్రజాస్వామ్యం లేకుండా పోయిందని, అవినీతి అక్రమాలను ప్రశ్నిస్తే శత్రువులుగా చూస్తున్నారని మండిపడ్డారు. బోడుప్పల్ కార్పొరేషన్ బీఆర్ఎస్ అధ్యక్షుడు మంద సంజీవరెడ్డి ఏకపక్ష నిర్ణయాలతో తాము ఆవేదన చెందినట్లు తెలిపారు
