జూబ్లీహిల్స్, వెలుగు: ఒకప్పుడు తెలంగాణ అంటే పరిశ్రమలకు నిలయమని, నేడు కాంగ్రెస్ పాలనలో రాష్ట్రం దివాలా తీసిందని బీఆర్ఎస్ వర్కింగ్ ప్రెసిడెంట్ కేటీఆర్ మండిపడ్డారు. సోమవారం జూబ్లీహిల్స్ నియోజకవర్గంలోని రహమత్ నగర్లో జరిగిన కార్యకర్తల సమావేశంలో మాజీ మంత్రులు హరీశ్ రావు, తలసాని శ్రీనివాస్ యాదవ్తో కలిసి ఆయన పాల్గొన్నారు. ఈ సందర్భంగా కేటీఆర్మాట్లాడుతూ.. జూబ్లీహిల్స్ లో గెలిచేది బీఆర్ఎస్ పార్టీనే అని ధీమా వ్యక్తం చేశారు.
ఇక్కడ కాంగ్రెస్ పార్టీని ఓడిస్తేనే 6 గ్యారంటీలు 420 హామీలు అమలు అమలవుతాయన్నారు. మాగంటి సునీతను గెలిపించుకునే బాధ్యత అందరిపై ఉందన్నారు. హరీశ్ రావు మాట్లాడుతూ.. జూబ్లీహిల్స్లో మాగంటి గోపీనాథ్ చేసిన అభివృద్ధి పనులను ప్రజలందరూ గుర్తుపెట్టుకోవాలన్నారు. అనంతరం సునీత మాట్లాడుతూ.. మీ ఇంటి ఆడబిడ్డగా తనను ఆశీర్వదించాలని కోరారు. కార్యక్రమంలో అన్ని డివిజన్ల ఇన్చార్జీలు, ఎమ్మెల్యేలు, ఎమ్మెల్సీలు, ఇతర నాయకులు పాల్గొన్నారు.
