అగ్రా: 40 మంది ప్రయాణికులతో వెళుతున్న ఓ బస్సు ఓ భారీ ప్రమాదం నుంచి తృటిలో తప్పించుకుంది. యమునా ఎక్స్‌ప్రెస్‌వేపై ఝాన్సీ నుంచి ఢిల్లీ వెళుతున్న ఆ బస్సు బ్రిడ్జి పైకి దూసుకెళ్లి అక్కడే ఆగిపోయింది. నేలకు 50 అడుగుల ఎత్తులో అలాగే బ్రిడ్జి పైనే బస్సు నిలిచిపోవడంతో అందులోని ప్రయాణికులు ఒక్కసారిగా భయబ్రాంతులకు గురయ్యారు. ప్రాణాలు అరచేత పట్టుకొని దేవుణ్ని స్మరిస్తూ ఆ ప్రమాదం నుంచి రెస్క్కూ టీమ్ సహాయంతో బయటపడ్డారు. ఈ సంఘటన గురించి తెలిసిన వెంటనే సహయక బృందం అక్కడికి చేరుకొని ప్రయాణీకులను ఒక్కొక్కరిగా బయటకు దించింది. దాదాపు 10 నిమిషాలపాటు బ్రిడ్జి పైనే బస్సు అలా ఉండిపోవడంతో ప్రయాణీకులు తీవ్ర దిగ్భ్రాంతికి లోనయ్యారు. ఈ ఘటనలో 10 మందికి గాయాలయ్యాయి.
