నర్సంపేట, వెలుగు: కాంగ్రెస్ పార్టీ అధికారంలోకి వచ్చి రెండేండ్లు పూర్తయిన సందర్భంగా వరంగల్ జిల్లా నర్సంపేటకు డిసెంబర్ 5న సీఎం రేవంత్రెడ్డి రానున్నారని ఎమ్మెల్యే దొంతి మాధవరెడ్డి వెల్లడించారు. నర్సంపేట టౌన్ సమీపంలోని దండుగడ్డ శివారులోని మెడికల్ కాలేజ్ పక్కనే ఉన్న గ్రౌండ్ను ఎమ్మెల్యే స్థానిక నాయకులతో కలిసి శుక్రవారం సాయంత్రం పరిశీలించారు. సీఎం సభ సక్సెస్ చేసేందుకు స్థానిక నాయకులకు దిశానిర్దేశం చేశారు. అనంతరం ఆయన మాట్లాడుతూ నియోజకవర్గంలో దాదాపు రూ.వెయ్యి కోట్ల అభివృద్ధి పనులకు సీఎం శంకుస్థాపనలు చేస్తారని ఎమ్మెల్యే వెల్లడించారు.
నర్సంపేట టూ వరంగల్ వరకు4 లైన్ల రహదారి, మెడికల్ కాలేజీ బిల్డింగ్, ఇంటిగ్రేటెడ్ స్కూల్ బిల్డింగ్, దుగ్గొండి మండలం తొగర్రాయి ఆర్అండ్బీ రోడ్డు నుంచి పొనకల్ వరకు డబుల్ రోడ్డు నిర్మాణాలతోపాటు పాకాల లైనింగ్కాలువల నిర్మాణాలకు శంకుస్థాపనలు చేస్తారని వివరించారు. కార్యక్రమంలో పీసీసీ సభ్యుడు పెండెం రామానంద్, నర్సంపేట మార్కెట్ కమిటీ చైర్మన్ పాలాయి శ్రీనివాస్, కాంగ్రెస్ టౌన్ ప్రెసిడెంట్బత్తిని రాజేందర్ తదితరులు పాల్గొన్నారు. అంతకుముందు మున్సిపాలిటీ పరిధిలోని మాధన్నపేటలో రూ.10 లక్షలతో కొత్తగా నిర్మించిన ముదిరాజ్ మత్స్య పారిశ్రామిక సహకార సంఘం భవనాన్ని ఎమ్మెల్యే ప్రారంభించారు. దుగ్గొండి, నల్లబెల్లి మండలాల ముఖ్య కార్యకర్తలతో సమావేశం నిర్వహించి దిశానిర్దేశం చేశారు.
