హసన్ పర్తి, వెలుగు: హనుమకొండ జిల్లా హసన్ పర్తి తెలంగాణ రెసిడెన్షియల్ బాలికల జూనియర్ కాలేజ్ హాస్టల్లో 5 అడుగుల నాగు పాము కలకలం రేపింది. శుక్రవారం హాస్టల్ గదిలో పాము కనిపించడంతో అక్కడ పనిచేసే స్కావెంజర్, విద్యార్థులు, కళాశాల ప్రిన్సిపాల్ ఇందుమతికి సమాచారం అందించారు. దీంతో ప్రిన్సిపాల్ విద్యార్థులను బయటికి పంపించి, స్నేక్ క్యాచర్ సహాయంతో నాగు పామును పట్టి నిర్మానుష్యం ప్రదేశంలో వదిలేశారు.
