భద్రాద్రికొత్తగూడెం, వెలుగు : జిల్లాలో ప్రతి ఇంటికీ తాగునీరు అందించేలా చర్యలు తీసుకోవాలని ఆఫీసర్లను కలెక్టర్ డాక్టర్ ప్రియాంక అల ఆదేశించారు. బుధవారం పలు శాఖల అధికారులతో కలెక్టరేట్ నుంచి కలెక్టర్ టెలీ కాన్ఫరెన్స్ నిర్వహించారు. నీటి ఎద్దడి సమస్య రాకుండా ముందస్తు చర్యలు చేపట్టాలన్నారు. గ్రామాల్లో అందుబాటులో ఉన్న హ్యాండ్ బోర్స్, బోర్ వెల్స్, మిషన్ భగీరథ ద్వారా నీళ్లు అందించేలా ప్లాన్ చేయాలని సూచించారు.
అవసరమైన ప్రాంతాలకు మిషన్ భగీరథ నీటిని బల్క్ సప్లై చేసేలా చర్యలు చేపట్టాలన్నారు. ఎస్డీఎఫ్లో ప్రతిపాదించిన పనుల పురోగతిపై నివేధికలను అందజేయాలని సూచించారు. ఈ టెలీకాన్ఫరెన్స్లో అడిషనల్ కలెక్టర్ విద్యా చందన, మిషన్ భగీరథ ఈఈ తిరుమలేశ్ పాల్గొన్నారు.
