నారాయణపేట, వెలుగు: కొత్తగా నియామకమైన సంక్షేమ వసతి గృహ అధికారులు అంకితభావంతో విధులు నిర్వహించాలని కలెక్టర్ సిక్తా పట్నాయక్ అన్నారు. తెలంగాణ పబ్లిక్ సర్వీస్ కమిషన్ ద్వారా కొత్తగా నియమితులైన జిల్లాలోని షెడ్యూల్డు కులాల అభివృద్ధిశాఖ పరిధిలోని ఎస్సీ వసతి గృహాల్లో ఖాళీగా ఉన్న ఆరు వసతిగృహాలకు ఆరుగురు వసతి సంక్షేమ అధికారులు శుక్రవారం విధుల్లో చేరారు. మర్యాదపూర్వకంగా కలెక్టర్ను కలిశారు. కార్యక్రమంలో సంక్షేమ అధికారి ఉమాపతి ఉన్నారు. అనంతరం జిల్లాకు కొత్తగా వచ్చిన జిల్లా జడ్జి బోయ శ్రీనివాసులుని కోర్టులో కలెక్టర్ మర్యాదపూర్వకంగా కలిశారు.
