ఇవాళ్టి(జూన్1) నుంచి దేశమంతటా ఆర్థికపరమైన కొత్త రూల్స్అమలులోకి వచ్చాయి. బ్యాంకింగ్, డిజిటల్ చెల్లింపులు, గ్యాస్ ధరల నిర్ణయం, మ్యూచువల్ ఫండ్స్ నిబంధనల్లో చాలా మార్పులు వచ్చాయి. ఇవి వినియోగదారులపై మరింత ప్రభావాన్ని చూపనున్నాయి. ఆ కొత్త రూల్స్ఏంటో తెలుసుకుందాం..
క్రెడిట్ కార్డ్ కొత్త రూల్స్..
జూన్ 1, 2025 నుంచి క్రెడిట్ కార్డ్ కు సంబంధించి కొత్త రూల్స్ అమలులోకి వచ్చాయి. కార్టు హోల్డర్లు గణనీయమైన మార్పులను ఎదుర్కోవలసి ఉంటుంది. రెంట్, బీమా, యూటిలిటీ చెల్లింపులపై రివార్డ్ పాయింట్ పరిమితం చేయవచ్చు.
ఆటోడెబిట్ జరిమానాలు తగ్గనున్నాయి. సమయానికి ఖాతాలో డబ్బులు లేకపోతే ఆటోడెబిట్ విఫలమైతే విధించే ఫైన్ 2 శాతం తగ్గే అవకాశం ఉంది. ఇంటర్నేషనల్ లావాదేవీల ఫీజులు కూడా మారే అవకాశం ఉంది.
ATM విత్ డ్రాలు,LPG ధర ల్లో మార్పులు
ATM ఛార్జీలు పెరిగే అవకాశం ఉంది. నెలవారీ ఫ్రీ విత్ డ్రా లిమిట్ మించితే ATM ఛార్జీల మోత తప్పదు. కస్టమర్లు ఆయా బ్యాంకుల రూల్స్ చెక్ చేసుకోవాలి.
LPG సిలిండర్ ధరలు జూన్ 1నుంచి మారనున్నాయి. ప్రతి నెల 1వ తేదీన LPG ధరలు సవరిస్తారు. చమురు కంపెనీ నవీకరణలను బట్టి వాణిజ్య LPG ధరలు పెరగవచ్చు లేదా తగ్గవచ్చు.
ALSO READ | మేనెలలో పెరిగిన జీఎస్టీ కలెక్షన్లు..16.4 శాతం అదనంగా వసూలు
ఫిక్స్డ్డిపాజిట్లపై ప్రభావం: కొన్ని బ్యాంకులు ఫిక్స్డ్ డిపాజిట్ (FD) వడ్డీ రేట్లను సవరించే అవకాశం ఉంది. ఇది ఫిక్స్ డ్ డిపాజిట్ హోల్డర్లపై ప్రభావితం చేయవచ్చు.
ఉచిత ఆధార్ అప్డేట్స్..
ఆన్‌లైన్‌లో ఉచితంగా ఆధార్ వివరాలను అప్డేట్స్ చేసుకునేందుకు చివరి తేది జూన్ 14, 2025. ఆ తర్వాత ఆన్ లైన్ అప్డేట్స్ కోసం రూ.25 లు, ఆధార్ కేంద్రాల్లో రూ.50 లు ఛార్జీలు వసూలు చేస్తారు. EPFO 3.0: UPI తో PF విత్డ్రాలు..
ఉద్యోగుల ప్రావిడెంట్ ఫండ్ ఆర్గనైజేషన్ (EPFO) EPFO 3.0 ను ప్రారంభిస్తోంది. ఇందులో భాగంగా సభ్యులు UPI లేదా ATMల ద్వారా PF డబ్బును విత్ డ్రా చేసుకోవచ్చు.మొదట్లో GPF ,PPF కసటమర్లకు పైలట్ ప్రాజెక్టుగా EPFO 3.0 అందుబాటులోఉంటుంది.
UPI లావాదేవీల కొత్త రూల్స్ ..
జూన్ 30, 2025 నుంచి అన్ని UPI యాప్‌లు కస్టమ్ లేబుల్‌లకు బదులుగా ఉదాహరణకు రాజు కిరాణా షాప్ వంటివి కాకుండా బ్యాంక్ పేరును డిస్ ప్లేచేయాల్సి ఉంటుంది. మోసాలను అరికట్టేందుకు సహాయపడుతుంది.
మ్యూచువల్ ఫండ్ కట్-ఆఫ్ టైం..
మ్యూచువల్ ఫండ్ లావాదేవీలకు సెబీ కొత్త కటాఫ్ టైం ప్రకటించింది. ఆఫ్‌లైన్ లావాదేవీలకు కటాఫ్ ఇప్పుడు మధ్యాహ్నం 3 గంటలు. దీనికి ముందు సమర్పించిన ఆర్డర్‌లకు అదే రోజు NAV లభిస్తుంది.ఆన్‌లైన్ లావాదేవీలకు కొత్త కటాఫ్ సాయంత్రం 7 గంటలు . దీనికి ముందు ఆర్డర్‌లకు అదే రోజు NAV కూడా అందుతుంది.
డ్రైవింగ్ లైసెన్స్ నియమాల్లో ఎటువంటి మార్పులు లేవు. 2025లో కూడా జూన్ 2024లో ప్రవేశపెట్టిన నియమాలే వర్తిస్తాయి.
